Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX ve una bona noticia que la UE considere llegal l'impuestu a les grandes superficies y encamienta a la FSA a crear nueves figures impositives

“El principal hándicap nes negociaciones del presupuestu ye la rocea de la FSA escontra l'impuestu ambiental”, esplica Gaspar Llamazares

Gaspar Llamazares, voceru parlamentariu d'IX na Xunta Xeneral, considera una “bona noticia” que l'abogada de la Unión Europea considere llegal l'impuestu a les grandes superficies comerciales aprobáu en 2002. El voceru d'IX apuntó les repercusiones que va tener de producise esta sentencia, non solo pol posible ingreso de más de 100 millones d'euros para'l presupuestu para'l próximu añu, sinón de cara a les negociaciones del presupuestu cola Federación Socialista Asturiana. “El gran hándicap nes negociaciones cola FSA, hasta agora, ta siendo la rocea escontra nueves figures impositives que tienen que ver col impuestu ambiental”, esplicó'l voceru d'IX. La Unión Europea dixo agora que los impuestos ambientales son impuestos de la comunidá autónoma y que, amás, pueden sufragar con más de 100 millones d'euros, nesti casu, les necesidaes social y ecolóxica de la comunidá autónoma, esplicó a los medios de comunicación. IX va siguir plantegando, con más autoridá si quepe, la nuesa propuesta en materia d'impuestos para llegar a un alcuerdu nesta materia, repitió.

Preguntáu poles meyores na xunta d'ayeri, Llamazares respondió qu'a xuiciu d'IX va a “un ritmu bien lentu” y “creemos que ye hora yá de dar pasos en materia d'ingresos y en polítiques sociales”.

Volver

Compartir

2014 Izquierda Xunida d'Asturies - Política de privacidad - Política de cookies