Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

El Tribunal Supremu condena a Morcín pol impagu del IVA del local de la Escuela 0-3

Morcín tendrá d'amenorgar en más de la metá la so inversión prevista pa 2018 de resultes d'una sentencia firme del Tribunal Supremu que conderga al Conceyu a pagar un IVA que nun abonó pola compra del local qu'alluga la escuela de 0-3.

La condena xudicial cai sobro l'actual equipu de gobiernu, d'IX, anque ye consecuencia de decisiones qu'adoptó l'anterior, socialista.

“Ye un exemplu más de la hipoteca que sufren los vecinos pola desastrosa xestión del gobiernu del PSOE, que foi lo que motivó la moción de censura”, esplica'l voceru local d'IX y actual alcalde, Mino García.

L'impagu del IVA (que sumaba 76.099 euros) foi xuna decisión adoptada pol equipu que presidía'l socialista Jesús Álvarez Barbao. La sentencia, contra la que non cabo recursu, añede a esa cantidá 39.952 euros de sanción, 35.407 euros por intereses y 20.000 euros más, polo que la cifra final a pagar ye de 171.459 euros.

IX-Morcín piensa que xudicialmente la tema va tener más percorríu. “Nós pidimos yá responsabilidaes polítiques”, diz García, pero “vamos estudiar si hai otres posibilidaes”, pero dende'l puntu de vista económicu ye un golpe bien duru pal Conceyu, que tendrá de faer frente al pagu n'aprosimao un mes. D'esta forma, va amenorgar a menos de la metá'l remanente de tesorería que se prevía destinar a inversiones nel conceyu nel Presupuestu del añu que vien.

Volver

Compartir

2014 Izquierda Xunida d'Asturies - Política de privacidad - Política de cookies