La diputada d'IX, Marta Pulgar, alvirtió de que'l modelu de salú mental n'Uviéu ta esperimentando un retrocesu, pasando de ser rehabilitador a volver al modelu psiquiátricu, en virtú de la nueva dirección que punxo en marcha la voladura unillateral de los equipos profesionales del conxuntu de dispositivu de salú mental de la área d'Uviéu.
La diputada d'IX, na so entruga al Conseyeru de Sanidá, tamién punxo de relieve qu'esti cambéu, realizada ensin consensu nin información a los profesionales y los usuarios, va significar al mediu plazu qu'en cada área pueda dase un modelu distintu en función del orixe y les preferencies del xestor de vez, como ta asocediendo nesti momentu.
El Conseyeru de Sanidá refrendó tolos pasos daos pola dirección de l’área de xestión clínica de salú mental de l’área sanitaria 4 d'Uviéu y aseguró que los cambeos organizativos propuestos son mesurados, graduales, planiaos, col compromisu col sistema público y comunicar a profesionales y a les organizaciones de pacientes. Tamién sostuvo qu'afecten solo a 6 de los 220 profesionales de la área, frente a los datos remanaos por IX que falen del 30%.
La diputada d'IX, amás de mentar la involución d'un modelu que foi pioneru, alvirtió al Conseyeru de que tantu usuarios como profesionales merécense un respetu y de la necesidá de cargase de razones” pa xustificar los cambeos, amás de saber esplicalos. “Nesti casu nin hubo consensu in participación d'usuarios nin profesionales, y fíxose sobro un modelu ensin evaluar”, esplicó la diputada d'IX que, pa concluyir, consideró que “nin profesionales nin usuarios merécense esto”.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
