Menu

El diputáu d'IX pide a Isaac Pola qu'actúe como un políticu y non como un burócrata

Ovidio Zapico, diputáu d'IX, responsable de los asuntos d'Emplegu, Industria y Turismu nel grupu parlamentariu, alvirtió esta mañana al conseyeru Isaac Pola de que l'astención o'l sofitu al presupuestu per parte d'IX va tar condicionáu a la respuesta que l'Executivu dea a arreglar la esixencia de la devolución de les subvenciones destinaes a financiar los planes d'empléu nos conceyos. Zapico, que recordó qu'IX yá decidió nun presentar una enmienda a la totalidá, pidió a Pola que “actúe como un políticu y non como un burócrata para llograr articular una alternativa sólida y dar seguridá a los conceyos”. Pola comprometiose a ufiertar la so máxima collaboración a los conceyu y punxo de manifiestu la idea común de que la finalidá de y los planes d'empléu fuera cubierta.

Ovidio Zapico, pronunció estes palabres na so vez de fixación de posición, na presentación parlamentaria del proyectu de presupuestos de la Conseyería d'Emplegu, Industria y Turismu pal próximu añu. La Conseyería que dirixe Isaac Pola va tener un montante de 227, 9 millones d'euros, lo que representa una crecedera d'un 18,75% respectu al del añu en cursu. Zapico aseguró que se trata d'un presupuestu que considera “espansivu”, dempués de munchos años d'austeridá. L'oxetivu del mesmu, según el diputáu d'IX, tien de ser combatir el desemplegu qu'afecta yá a casi 80.000 paraos de la comunidá autónoma.

Ente los aspeutos positivos del presupuestu, el diputáu d'IX estimó el xiru na política d'autónomes, en priorizar l'afitamientu de la formación y sofitar proyectos que supongan un valor añedíu, amás de “combatir auténtica lacra de los autónomos”. Tamién explicitó el so deséu de que 2018 sía l'añu d'afitamientu y desenvolvimientu del plan de torna del talentu, frutu del alcuerdu d’investidura con IX.

De la mesma, xulgó como “ bonos” los datos del sector turísticu, anque alvirtió de qu'Asturies precisa consolidalos. Tamién demandó la planificación pa, ente otres cuestiones, asitiar qué porcentaxe dientro del PIB tien que xugar el sector turísticu. Ovidio Zapico demandó dalguna reforma lexislativa, desestacionalizar y reequilibrar territorialmente la ufierta y la demanda, amás de nun perder de vista la sostenibilidá, por casu a la de definir los finales de la Vuelta .

Pa Zapico el presupuestu tamién contien solombres, dalgún aspeutu negativu, más allá de los númberos, como ye'l de la investigación. “Desque empezó la llexislatura hubo desencuentro n'I+D+I, desencuentros que tienen de correxir o embrivir anque usté abrió puerta a que traviés del plan de Tecnoloxía podamos atopar puntos d'alcuentru”. Más allá d'esta esixencia, sorrayó Zapico, IX fixo propuestes bien concretes y constructives: centrar los esfuerzos d'I+D+I n'amenorgar la contaminación, avanzar valorización material y la fracción resto na xestión de borrafes, xestión de l'agua, nel avieyamientu población, la creación nuevu sector tecnolóxicu, o desdoblar Itma en dos fundaciones o xuna unidá mista col Cinn (Centru d'Investigación en Nanomateriales y Nanotecnología).