La eurodiputada d'IX avisa de que dellos Estaos miembros de la UE han trespuestu mal la Directiva sobro abusos sexuales de 2011 y critica a Bruxeles por non tomase en serio los sos propios datos oficiales.
La eurodiputada d'Izquierda Xunida Ángela Vallina criticó anueche la pasividá que ta amosando la Comisión Europea na llucha contra los abusos sexuales a menores y esixó un compromisu de Bruxeles y los Estaos miembros pa tomase en serio esta realidá, qu'afecta a unu de cada cinco neños y neñes según los datos del Conseyu d'Europa.
“Unu de cada cinco menores sufrió dalgún tipu d'abusu sexual na UE, casos nos que los responsables son persones de la redolada de la víctima trés cuartes partes de les vegaes” y, a pesar de qu'en 2011 “poner en marcha xuna Directiva específica sobro esta tema”, la Comisión “nun actúa cuando ye públicu y vultable que la mayor parte de los países de la Unión hai trespuestu mal la normativa, como ye'l casu del Estáu español”, denunció la eurodiputada nun alderique mientres la sesión plenaria que se celebra n'Estrasburgo.
Vallina criticó la falta de sensibilidá de les instituciones comuñales y, cuantimás, la del Conseyu y la Comisión a la d'atayar esta problemática, tal que quedó patente este mesmu añu, cola publicación del primer informe sobro la implementación de la Directiva “un añu tarde y con munches quexes sobro la so superficialidá”.
La eurodiputada, que sollertó de la influencia y l'escasu control que paez faese d'Internet, “que sirvió de canal pa dar cabida a nueves formes d'abusu sexual”, esixó un compromisu claru. “La dulda que nos queda ye si los abusos a menores son una tema secundaria pa la Comisión Europea. Ustedes y los Estaos miembros tienen de poner ente les sos prioridaes los abusos a menores. Faigan los sos deberes”, refartó la eurodiputada.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
