Menu

La eurodiputada d'IX amuesa'l so descontentu pola poca claridá de la institución comuñal nes sos respuestes a los peticionarios y pide que se tome en considerancia y déase importancia a les iniciatives ciudadanes europees.

La eurodiputada d'Izquierda Xunida Ángela Vallina reclamó esta mañana más tresparencia y rigor a la Comisión Europea a la d'analizar les denuncies que lleguen a la comisión de Pidimientos de la Eurocámara, de la que llamentó que la institución que dirixe Jean-Claude Juncker nun se tome en serio casos concretos que tienen que ver col medioambiente y nun aplique en munches ocasiones el principiu de precuru, pa evitar daños irreparables en zones protexíes.

“La Comisión tien de dar mayor claridá a les sos respuestes, yá sían escrites o orales y tien de danos más información sobro los procedimientos abiertos contra los Estaos miembros”, dixo la eurodiputada mientres l'alderique sobro l'informe de PETI 2016 güei n'Estrasburgo. Nestos momentos, dende'l so puntu de vista, ta produciéndose xuna clara “vulneración del accesu a la información o la participación de ciudadanía”, derechos recoyíos nel conveniu de Aarhus.

Vallina reflexó'l so descontentu pola dexadez que demuestra la Comisión Europea colos casos qu'afecten al medioambiente y que, paradóxicamente, son los más numberosos, siquier en pidimientos del Estáu español. “Esiximos que d'una vegada por toes” Bruxeles “faiga prevalecer el principiu de precuru”, sobremanera “en mediu ambiente y en salú”.

“Siguimos viendo cómo hai países que dexen que los estudios d'impactu ambiental estácense”, pa refugar posibles sanciones y burllar a les organizaciones ecoloxistes y a los movimientos sociales, dixo la eurodiputada, antes de reclamar que la Comisión respete firmemente'l principiu de precuru, porque si non “nun pueden garantizar otros principios esenciales como'l de seguridá xurídica, o'l de subsidiariedad.

“Y nun falemos yá de los daños ambientales irreparables. ¿Tenemos qu'esperar como siempres a que se produzan los desastres, a la política de fechos peracabaos y a que nun haya solución dempués?”, preguntóse.