Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

08/01/2018

Argüelles cree positivo investigar nel usu de GNL nel ferrocarril pero reclama, amás, inversión na Variante y cercaníes

El coordinador xeneral d’IX Asturies, Ramón Argüelles, resaltó güei la importancia d'iniciatives como la presentada güei en Mieres, relativa a la esperimentación del usu del gas natural licuáu (GNL) nel ferrocarril, empobinada a la futura sustitución de les actuales llocomotores diesel.

Tres l'actu públicu, Argüelles, aprofió la necesidá de buscar víes que faigan más sostenibles les comunicaciones y reivindicó, amás, inversiones que garanticen el futuru del tren, tantu en percorríos urbanos ya interurbanos como en medies y llargues distancies.

"Lo que me sigue esmoleciendo ye qu'entá somos deficitarios nesti tipu d'infraestructures (en referencia al ferrocarril): ende tenemos la Variante de Payares, que nun acaba de ver la lluz y tien que ser yá, pos nun podemos destinar más dineru a otros sitios cuando esto lleva empezao tantu tiempu y, tamién, falando de FEVE, les cercaníes. Son más importantes que nunca", esplicó Argüelles.

Volver

Compartir

2014 Izquierda Xunida d'Asturies - Política de privacidad - Política de cookies