Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles reivindica qu'Asturies sía esceición na nueva normativa sobro xestión de purinos

El coordinador cree que les particularidaes de la Comunidá Autónoma xustifiquen la singularidá y alvierte del riesgu pa la continuidá del sector ganaderu si imponse la regulación ensin afaela a la realidá asturiana.

Izquierda Xunida solicitó la comparecencia urxente de la Conseyera de Desenvolvimientu Rural y Recursos Naturales, María Jesús Álvarez, por qu'esplique qué midíes piensa adoptar pa evitar que se ponga en marcha la nueva regulación sobro purinos n'Asturies. El coordinador xeneral, Ramón Argüelles, aseguró güei que'l sector ganaderu nun ye'l problema y qu'esisten alternatives que dexen escluyir a la Comunidá d'esta normativa. “Creemos que n'Asturies nun ye un problema real, porque nun hai xuna contaminación real; creemos qu'hai que faer esa singularidá”, señaló'l dirixente.

La nueva regulación adoptase pa evitar que l'usu de los purinos pueda impactar nel mediu ambiente. Sicasí, nel casu Asturianu, dáu'l tipu d'esplotaciones, nun se rexistraron problemes nin calidable d'aire nin de les agües derivaos de l'actividá agraria. Ello ye que les amueses que se recueyen nunca señalaron concentraciones esmolecedores pa la salú de metanu o amoniacu procedentes de l'actividá agraria.

El nuevu modelu de xestión supondría, enfatizó el coordinador xeneral d'IX, un nuevu varapalo pa la yá difícil situación económica de les esplotaciones ganaderes asturianes, que non yá perderíen un material pervalible como fertilizante sinón qu'amás tendríen costos añedíos pa desfacer de los purinos. “Ye un modelu que creemos que n'Asturies hai alternatives, que perxudica al sector, porque 1.000 llitros de purinos trataos nuna planta cuesta 4 euros, colo cual, xuna esplotación media que al añu produza dos millones de borrafes, seríen unos 8.000 euros”.

Pa IX hai razones oxetives pa reclamar la esceición, tantu per clima, como mugor, terrenes y cabana ganadera, que fai que los riesgos de contaminación por purinos o cuchu sía distintu al d'otres zones de la península y que, sía que non, tien de plantegase nuna aplicación modulada que nun supongan el estrangulamiento de too un sector. Asina, pa la formación ye agora prioritario que'l Gobiernu d'Asturies enfotese n'evitar la implantación n'Asturies de la norma de manera draconiana, acabando cola incertidume xenerada nel sector.

Volver

Compartir

2014 Izquierda Xunida d'Asturies - Política de privacidad - Política de cookies