Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles sofita al Gobiernu d'Asturies frente al zarru de térmiques y pide unidá política frente a intereses partidistes

El Coordinador Xeneral d'IX pidi una transición xusta y denuncia que'l sector eléctricu marca y condiciona les acciones del Gobiernu del Estáu dende va demasiáu tiempu

El coordinador xeneral d'IX Asturies, Ramón Argüelles, manifestó güei so respaldu al a Gobiernu d'Asturies na defensa de la continuidá de centrales térmiques como Lada, que'l so zarru podría suponer un nuevu varapalu a la economía de la Comunidá Autónoma, nun procesu que, dixo, guarda relación non coles necesidaes granibles del interés xeneral sinón colos particulares de les eléctriques.

"La transición escontra un nuevu modelu granible nun puede nin tien de realizase pidiendo más sacrificios a una tierra, un sector como'l carbón, y unes cuenques en permanente sacrificiu dende va décades. La transición ye indispensable si nun quier ponese el zarru a bona parte del territoriu asturianu dexando a les sos poblaciones al albur de decisiones, como ye'l casu del zarru de Lada o d'otres térmiques, que respuende a los intereses particulares, propios, y egoístes d'un sector eléctricu que dende va demasiáu tiempu nesti país marca y condiciona les acciones del Gobiernu".

IX reclamó la máxima unidá política p'anteponer el bien d'Asturies frente a posiciones partidistes. Asina, Argüelles amosó'l so respaldu nesti casu a l'acción del gobiernu d'Asturies anque amestada al caltenimientu de la presión pa evitar el zarru anunciáu, daes les sos consecuencies económiques negatives. La transición, reivindicó'l máximu responsabled'IX Asturies, "nun puede ser a la midida de les empreses sinón que tien que ser a la midida de los intereses d'Asturies y d'España".

Ramón Argüelles aseguró que'l Gobiernu de Javier Fernández va atopar a IX nel sofitu a posiciones de defensa d'un sector estratéxicu anque, alvirtió, "de la mesma vamos asitianos frente aquelles midíes que tengan por oxetu primar los intereses de grupos particulares frente a los xenerales d'Asturies".

Volver

Compartir

2014 Izquierda Xunida d'Asturies - Política de privacidad - Política de cookies