Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Vallina defende una descarbonización ensin traumes y denuncia que mientres s'amenorga l'usu de carbón autóctono aumenta l'importáu de sangre

¿Por qué se nos niega a nós quemar esi carbón y sí quemamos nes térmiques el carbón de fora?

La eurodiputada d’IX Ángela Vallina reivindicó güei en Xixón, a entrugues de los periodistes, el valor del carbón autóctonu, siquier ente que se caltenga l'usu d'esti mineral na industria enerxético española. La parllamentaria señaló que magar ye cierto que tolos informes apunten escontra la descarbonización, esi procesu tien qu'acompañase de midíes que dexen una transición pilotada y ensin traumes pa les cuenques mineres.

Vallina aprofió que nestos momentos, hai una gran engarradiella nel senu de la Unión Europea sobre l'usu del carbón un mineral, qu'a pesar del zarru de mines y l'amenorgamientu de la producción nacional, sigue quemándose n'España, rexistrándose en 2017 una medría. "Lo que nun podemos ye quemar el nuesu carbón -reprochó-, cuando los trataos de la Unión European dicen qu'un país puede aprovechar el 25% de los sos recursos enerxéticos. ¿Por qué se nos niega a nós quemar esi carbón y sí quemamos nes térmiques el carbón de fora?".

Y ye que coles mesmes que se foi amenorgando la cuota de carbón nacional aumentó la del importáu, de países como Sri Lanka o Colombia, con una lexislación llaboral onde non siempres se respeten los derechos de los sos trabayadores o trabayu infantil.

El refugu a la descarbonización ta llegando de países como Polonia, qu'amuesen un refugu fronteru a prescindir del usu del carbón. Y nun ye l'únicu país onde se tán revisando les premises. "Alemaña tamién caltien munches de les sos mines ya inclusive reabrió dalguna. Poro, lo que nun puede ser ye pringarnos al los países del sur, como tán faciendo siempres, mientres ellos faen de la so economía lo que más-yos interesa".

Volver

Compartir

2014 Izquierda Xunida d'Asturies - Política de privacidad - Política de cookies