Menu

El Gobiernu respuende por escritu que nun tien informes de necesidá, viabilidá o evaluación y el voceru d'IX cree que l'escurrimientu y la frivolidá caractericen la xestión sanitaria

“Nun esisten estudios previos ya informes, ellaboraos pola Alministración Sanitaria del Principáu o cualesquier de los sos organismos o empreses, en relación cola necesidá, viabilidá y evaluación d'efectividá de la implantación de la factura en solombra na sanidá asturiana”. Asina ye cómo respuende la Conseyería de Sanidá a la entruga realizada por Gaspar Llamazares sobro los estudios que, supondríase, responderíen por a l'alministración asturiana a unviar a los pacientes el costu de los tratamientos que reciban, anunciada por Francisco del Bustu a primeros d'añu. Llamazares considera que l'escurrimientu y la frivolidá caractericen la xestión sanitaria.

A xuiciu del voceru parlamentariu d'IX, esta respuesta de que'l Gobiernu nun tien nengún tipu d'informe nin de datu que sofite la so propuesta ye “escandalosa” y provoca una “fonda esmolición” nel grupu parlamentariu d'IX na Xunta Xeneral. Esmolición por un Gobiernu que nun tien proyectu sanitariu, sacantes vivir de les rentes del pasáu, nun tien proyectu de cambéu y recuperación de la sanidá pública y porque la xestión son la frivolidá, los escurrimientos, los fechos peracabaos ensin realmente un proyectu de xestión que dexe una mayor axilidá y participación nel sector sanitariu, alvierte Llamazares.

Pal diputáu d'IX, esta respuesta ye la reconocencia d'un modelu sanitariu y de xestión escosu que tien que recuperar la iniciativa nos próximos tiempos". IX va adoptar iniciatives por que'l Gobiernu nun quede namái nes cortines de fumu, como foi la factura en solombra en plenos reis magos, conclúi'l so voceru parlamentariu.