El diputáu d'IX recibió esta mañana a los representantes de los trabayadores nel Parlamentu asturianu
El diputáu d'IX, Ovidio Zapico, caltuvo una xunta esta mañana col presidente comité d'empresa d'Aucalsa, Juan Carlos González Barreres, y con Sergio Cabeza, miembru del mesmu y dambos del sindicatu CCOO, pa falar de los problemes que sufren los trabayadores d'esta empresa concesionaria del peaxe de l'autopista del Güerna. Tres la xunta, el diputáu d'IX esplicó que la concesionaria de l'autopista tien de poner frenu a la esguilada de retayos llaborales y tamién de la precariedá del serviciu y de trabayadores. “Por una cuestión estratéxica pales comunicaciones asturianes, Aucalsa tien de volver a entamar les negociaciones col comité y evitar posibles, y lexítimes per otra parte, movilizaciones y fuelgues”, alvirtió Zapico. El diputáu d'IX señaló amás, que nel escenariu actual sobro'l futuru del peaxe, IX apuesta pola so eliminación y pola subrogación de la plantiya énte una eventual finalización de la concesión. La empresa cuenta con una plantiya de 68 trabayadores ente Asturies y Llión y tien alredor de 30 emplegos de subcontrates.
Los delegaos de CC.OO. denuncien l'actitú impositiva de la empresa AUCALSA, que pretende imponer de forma unillateral y en contra de la voluntá mayoritaria de los trabayadores, un testu de conveniu colectivu que dexa tola potestá a la empresa y dexa a los emplegaos encorsetaos baxu la decisión empresarial, produciéndose asina, situaciones de graves incumplimientos llaborales que CC.OO. yá vien denunciando, baltes como la falta de midíes de seguridá, cesión illegal de trabayadores o escasez de plantiya.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies