Menu

Damian Manzano califica d'ambigua y decepcionante la xunta güei nel congresu colos representantes d'Izquierda Xunida na Comisión d'enerxía y pal cambéu climáticu

Nesta xunta tuvieron presentes el presidente de la Comisión d'enerxía, Ricardo Sixto, la vocera axunta de la comisión para'l cambéu climáticu, Eva García Sempere, y el coordinador del grupu d'IX nel congresu de los diputaos, Víctor Rocafort.

Dende Asturies, viaxó a Madrid el diputáu autonómicu Ovidio Zapico, el secretariu de converxencia, Jaime Gareth Florez, la Secretaría de política institucional, Elsa Abargane, y una nutrida representación de comisiones obreres d'Industria, con Damián Manzano, el so Secretariu Xeneral, a la cabeza y representantes d'esta central n'HUNOSA y en Huminsa (privada).

L'oxetivu de la xunta yera intentar llograr una mayor coordinación nes iniciatives que puedan plantegase dende congresu de los diputaos y qu'afecten al sector del carbón. De fechu según Ovidio Zapico, y según reconocióse na mesma xunta, hubiera momentos de cierta descoordinación. Per parte del sindicatu de comisiones obreres, tamién Manzano salía y resumía la xunta nuna cierta decepción, énte l'ambigüedá no que se refier a una defensa clara del carbón con un sector estratéxicu p'Asturies inclusive pal Estáu.