Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX va llevar una iniciativa a la Xunta Xeneral sobro la calidá de l'agua n'Eilao énte la falta d'información pública sobro'l suministru

Izquierda Xunida volverá llevar a la Xunta Xeneral del Principáu la situación de l'agua n'Eilao.

La secretaria de Política Municipal, Gabriela Álvarez, esplicó güei, tres la sesión Plenaria na qu'asumió'l so cargu la nueva conceyala de la formación nel conceyu, Marta Entrerríos, que van reclamar que s'informe sobro posibles defectos na rede y na calidá del suministru, más porque dende 2005 nun s'ufierten datos fidedignos nel Sistema Nacional d'Agües de Consumu (SINAC) al respective de la situación nesti conceyu.

Álvarez anunció que nes próximes selmanes va presentase una Proposición non de Llei (PNL) que'l so oxetivu ye que s'esclarien los defectos que puedan detectase col fin de la so corrección. Esta nueva iniciativa llega dempués de la respuesta a una entruga del grupu parlamentariu d'IX sobro l'agua n'Eilao, na que'l Principáu reconocía'l pasáu mes d'ochobre que dientro, del marcu del programa de vixilancia Sanitaria de l'Agua de Consumu Humanu", detéctense defectos o situaciones de riesgu que se comuniquen al xestor municipal pa la so corrección.

Volver

Compartir

2014 Izquierda Xunida d'Asturies - Política de privacidad - Política de cookies