Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

09/03/2018

IX consigue la unanimidá pa pidir la evaluación y actualización del Pactu Social Contra la Violencia sobro les Muyeres

Concha Masa califica la xornada d'ayeri como un ésitu ensin precedentes y recuerda que les meyores nun se dan de forma casual o gratuita

IX saca alantre por unanimidá una Proposición Non de Llei na que se pide la revisión y actualización del Pactu Social Contra la Violencia sobro les Muyeres , la so dotación presupuestaria pa llevar a cabu estes midíes de forma afayadiza, y la eliminación de la publicidá discriminatorio o denigrante de les muyeres, prohibiéndola directamente en soportes, publicaciones o tresportes públicos. La iniciativa esixe tamién impulsar actividaes escolares específiques, en Primaria y Secundaria. Eses edaes tienen de ser focu d'atención y combate del sexismu, esplicó Concha Masa, diputada encargada de defender la iniciativa.

Concha Masa, diputada d'IX na Xunta Xeneral, recordó esta mañana que'l movimientu feminista y les asociaciones lleven munchos años movilizándose por desigualdaes qu'afecten a les muyeres, la fienda salarial, los machismos…. “Dende 1910 hubo munchos avances pero siempres tuvieron detrás d'ellos la llucha de les muyeres, nun se dan de forma casual o gratuita”, esplicó antes de calificar la xornada d'ayeri, 8 de Marzu, como “un ésitu ensin precedentes” que va marcar un antes y un dempués. “Gracies a estes coses la sociedá ta mentalizándose de la inxusticia, esbardiu, y espilfarru de talentu y enerxía que supon la discriminación ente muyeres y homes y hai clamor unánime por qu'adopten midíes firmes y decidíes contra violencia machista en toles sos dimensiones y manifestaciones. Por eso ye fundamental llevar a cabu polítiques de prevención, sensibilización y atención al sexismu, atendiendo de manera fundamental a les formes más gafíes del patriarcáu”, xustificó la diputada.

N'Asturies, dixo Masa nel Parlamentu, disponer d'una ferramienta interesante, y consensuada como'l Pactu contra la Violencia sobro les Muyeres. “El pactu tien de ser daqué vivu, versátil y adaptable a los tiempos y pa eso ye necesario revisalo y evalualo. Añu y mediu nun ye enforma tiempu, pero siguen morriendo muyeres”, señaló. L'oxetivu d'IX ten de ser que la evaluación del pactu lleve a intensificar aquelles midíes que se consideren más eficaces, afaer o modificar les que lo sían menos, y poner en práctica actuaciones qu'entá nun fueron llevaes a la práctica. Ente estes postreres, la diputada d'IX señaló l'acondicionamientu de los xulgaos asturianos por que les víctimes puean declarar ensin tener que ver al so agresor o que se ponga en marcha la unidá de valoración forense integral.

Volver

Compartir

2014 Izquierda Xunida d'Asturies - Política de privacidad - Política de cookies