Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Llamazares reclama una prórroga quee caltenga les ambiciones sociales al traviés del creitu estraordinariu y alerta d'un retayu duru si nun se algama un alcuerdu

IX plantega como prioridaes ampliar la cobertoria en 0 a 3 y amenorgar el preciu matrícula, caltener el contratu programa cola Universidá, recursos pal Salariu Social y pales infraestructures sanitaries comprometíes

El voceru d'IX na Xunta Xeneral del Principáu, Gaspar Llamazares, reclamó güei que la prórroga presupuestaria caltenga les ambiciones sociales del proyectu apautáu col Gobiernu y sollertó que la falta d'alcuerdu supondría un retayu duru pala Comunidá Autónoma. La formación yá treslladó al executivu de Javier Fernández, como prioridaes, l'ampliación de la cobertoria en númberu d'aules de 0 a 3 y l'amenorgamientu del preciu de la matrícula a la metá; el caltenimientu del contratu programa cola Universidá; recursos pal Salariu Social y les infraestructures sanitaries comprometíes.

Llamazares aseguró que se trata d'una selmana decisiva porque na qu'estenase'l creitu estraordinariu que palíe la prórroga y la mayoría parlamentaria que la dexe. “El mio grupu parlamentariu nun entendería qu'atopáramos énte una situación d'aplazamientu”, enfatizó el voceru d'IX.

“De nun aprobase llueu'l creitu estraordinariu atoparíamonos con un retayu duru de los presupuestos d'esta Comunidá Autónoma. Diríamos dalguna vegada: el retayu presupuestariu que supon la prórroga propia, la prórroga estatal y que'l Gobiernu Montoro nun desbloquia los adelantos a cuenta y, per otra parte, tamién, la mesma Llei de Contratos de les Alministraciones Públiques, que supón un aprendizaxe pa les alministraciones públiques que va traer tamién, probablemente, un retrasu na execución, sobremanera, de les inversiones”.

Volver

Compartir

2014 Izquierda Xunida d'Asturies - Política de privacidad - Política de cookies