Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Izquierda Xunida esixe al Gobiernu qu'unvie “de momentu” la Llei Trans a la Xunta Xeneral

Suárez Llana: “Nun entendemos que tres más de dos años de trabayu y con un testu consensuáu con XEGA’l Proyectu de Llei Trans nun llegara inda a la Xunta Xeneral. Esiximos al Gobiernu que rexistre'l proyectu de momentu”

Izquierda Xunida d'Asturies esixe al Gobiernu de Javier Fernández qu'unvie "de momentu" la Llei Trans a la Xunta Xeneral. El Secretariu d'Ellaboración, Programa y Participación, Javier Suárez Llana, aportuna en que "tres más de dos años de trabayu y con un testu consensuáu con XEGA, nun entendemos que'l Proyectu de Llei Trans nun llegara inda a la Xunta Xeneral. Esiximos al Gobiernu que rexistre'l proyectu de momentu".

Pa Suárez Llana, "la situación de les persones trans n'Asturies ye insostenible dende va años, cuantimás la de los menores". Les meyores en materia de reconocencia de derechos que se producieron n'otres comunidaes autónomes como Andalucía, Euskadi, Navarra, Canaries o Madrid nun llegaron a Asturies y tienen de faelo primero qu'acabe la llexislatura, alvierte'l Secretariu d'Ellaboración. "Lo contrario va responder única y puramente a la falta de voluntá política del Gobiernu socialista. L'aprobación de la Llei Trans ye una prioridá de llexislatura para Izquierda Xunida”, diz Suárez Llana.

Izquierda Xunida fai tamién un llamamientu a participar de manera activa na movilización convocada por XEGA’l próximu sábadu 17 de marzu en Xixón con motivu del Día Internacional de la Visibilidá Trans. La concentración va tener llugar a les 19.30 hores na Plaza Mayor

Volver

Compartir

2014 Izquierda Xunida d'Asturies - Política de privacidad - Política de cookies