Menu

Ramón Argüelles axuntóse güei cola plantiya y criticó que, a pesar de les sentencies xudiciales, siga na cai no que paez un actuación "de mala fé"

Izquierda Xunida d'Asturies va pidir al Principáu d'Asturies que s'implique na busca d'una solución al conflictu de MONTRASA-MAESA, que pase pola realmisión de los trabayadores despidíos tal que, sentencia tres sentencia, ordenaron los tribunales. El coordinador xeneral d'IX Asturies, Ramón Argüelles, anunció que la formación va llevase a la Xunta Xeneral del Principáu una entruga por que'l conseyeru d'Industria y Emplegu, Isaac Pola, esplique qué fixo hasta agora'l so departamentu na busca d'alternatives pa resolver la disputa.

Llamentó que, nesti casu, inda nun se punxera puntu y final al calvariu pol que ta pasando la plantiya y eso a pesar de que se trata, dixo, d'unu de los conflictos más obvios: “acaba de dicir Ricardo (en referencia al presidente del comité de empresa Ricardo Martínez) qu'hai una sentencia que diz más o menos que la empresa tuvo mala fe cola plantiya”.

El conflictu afecta a 31 families dende va dos años, nos que namái cobraron 5 meses, y eso a pesar de les sentencies que los amparen. Nestos momentos, la situación complicóse nel intentu de la empresa de cargar sobro estos trabayadores la responsabilidá de la so propia viabilidá, por culpa de que se-yos ta diciendo que la so realmisión supondría'l zarru y eso a pesar de que se caltién la carga de trabayu. Pero la empresa, enfatizó Argüelles, “sigui contratando dempués de despidir irregularmente a estos trabayadores”.

El coordinador xeneral d'IX axuntaba esta mañana con bona parte de el trabayadores y trabayadores afectaes nun alcuentru nel que tamién participó la secretaria de Política Municipal, Gabriela Álvarez, quien manifestó'l sofitu de la formación a les sos reivindicaciones. “Tamos con ellos; creemos que ye xuna inxusticia total lo que se ta faciendo con esti trabayadores”.

Nestos momentos, según el presidente del comité, Ricardo Martínez, hai 26 readmitidos, 1 miembru del comité que ta trabayando y otros cuatro, incluyíu él, despidíos. “Entendemos que tamos despidíos por represalia, como yá dixo'l Tribunal Cimeru de Xusticia (TSJ)”. La empresa, ta pagando pero ensin incorporar a la plantiya polo que'l comité volvió reclamar énte l'altu tribunal por incumplimientu d'ocupación efectiva”. Ello ye que añedió Martínez, “ayeri mesmu comunicóse-y a la empresa MAESA que tien trés díes pa reponer al trabayador nel so puestu de trabayu”. Sicasí, les esperances de recuperar el so empléu son, a día de güei, improbables pola negativa de la empresa que, frente a ello, amenaza con liquidar la compañía, nun claru intentu de culpabilizar a la plantiya despidida. “Yo creo que la culpa nun ye nuesa, la culpa ye de MONTRASA, de los sos dirixentes, nun 50 per cientu y l'otru 50 per cientu ye de Alcoa. Eso ta claru”.

Y ye qu'a la aluminera, recordó y reprochó Martínez, perdonáronse-y munchos impuestos daqué que, enfatizó, “sabe de sobra el Principáu d'Asturies”.