Menu

El Coordinador xeneral d'IX d'Asturies, Ramón Argüelles, críticu güei los presupuestos xenerales del Estáu, pola so falta de compromisu real en materia social de la que reprochó “el papelón“ de Ciudadanos, que sofita en Madrid una cuentes para 2018 incapaces de dar respuesta a les necesidaes reales del país, mientres bloquia n'Asturies el creitu estraordinariu.

Para'l máximu responsable d'IX, los presupuestos presentaos pol executivu central son cualesquier cosa menos históricos en materia social, como lo demuestra'l cicaterismo n'educación, por citar unu, ente que se rexistra una medría d'un 40% en gastos bélicos. Según Argüelles, les cuentes pa 2018 son más una operación que tien enforma de marketing pero que nun redunda en “la xente que creemos más precisada”.

En clave asturiana, el Coordinador xeneral d'IX d'Asturies señaló que la crecedera ye insuficiente pales necesidaes de la comunidá autónoma, que sigue ensin recibir el dineru de lo que, aprofió , ye una delda consolidada, derivada de la sentencia qu'obliga al Estáu al pagu de más de 200 millones d'euros pindios de los fondos mineros. N'ese sentíu, afirmo les cuentes pal añu en cursu son más unos presupuestos pal olvidu.

Los presupuestos son pal “País de Nunca Jamas” ironizó Argüelles porque, dixo, “el PP sabe que nun van ser aprobaos y trata de llavar el so fracasu”.

El Coordinador xeneral d'IX d'Asturies enfatizó na falta de compromisu pal Principáu: “Nin siquier nel pais de nunca jamas Asturies cunta pal PP, pos tenemos de los niveles mas baxos de inversión. Per otra parte si aprobárense nunca s'executaríen como pasó n'años precedentes. Tampoco envidio'l papel que ta faciendo Ciudadanos, el papelón, porque mientres bloquia los d'Asturies acepta esta prevocación. Ta demostrando que ye un partíu útil pal PP más conservador pero nun p’Asturies nin los asturianos y asturianes”.