Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

12/04/2018

IX propón un Plan de Protección Civil qu'incluya atención a carreteres problemátiques pa evitar problemes como'l del accesu a Casu

L.lena pide ayuda pa intervenir na carretera a Samartino con un estudiu previu qu'afite les causes de los deslizamientos, desprendimientos y derrabes.

IX va llevar al parlamentu asturianu una iniciativa por que se desenvuelva un plan de protección civil autonómicu, qu'incluya a la inspección de víes de comunicación susceptibles de sufrir argayos, desprendimientos, o deslizamientos de la calzada. L'oxetivu ye prevenir situaciones como la que se vivió nel corredor del Nalón, na comunicación con Casu, pero tamién otres como la esistente na localidá de Samartino, nel conceyu de L.lena. El coordinador xeneral d'IX d'Asturies, Ramon Argüelles, y l'alcaldesa d'esi conceyu, Gema Álvarez, visitaron esta mañana la localidá pa comprobar los daños na calzada d’acceso. La rexidora esplicó qu'anque la carretera ye de titularidá municipal, l'algame de los daños fadría imposible acometer dende'l mesmu conceyu non solo la obra, sinón tamién los estudios xeotécnicos necesarios pa conocer les causes de los deslizamientos y de dellos derrabes.

Tocantes a la propuesta d'IX, Argüelles señaló que'l Principáu, al traviés de los sos distintos departamentos, tien personal técnicu cualificáu que, a demanda de los Conceyos, pue acometer estos estudios ya informes sobro puntos peligrosos o que puean amenar duldes sobro la so estabilidá y seguridá.

Argüelles y Alvarez treslladáronse a Samartino acompañaos pol coordinador local d'IX en L.lena, José González, el conceyal d'obres, Jesús Fernández, el secretariu d'organización en L.lena, José Antonio Suárez, y la secretaria de Política Municipal d’IX Asturies Gabriela Alvarez. Na visita, axuntaron con vecinos de la localidá, quien amosaron la so esmolición pola precaria situación d'esta calzada, que da serviciu non solo los residentes, sinón tamién a Retruyés y pal accesu a finques y esplotaciones ganaderes, colo que'l númberu total d'afectaos podría xubir a 400 persones.

Volver

Compartir

2014 Izquierda Xunida d'Asturies - Política de privacidad - Política de cookies