Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

13/04/2018

IX reclama una actuación urxente na carretera d’Arniciu y reprocha el deterioru d'esta vía

Los vecinos de los núcleos a los que da serviciu esta carretera lleven años reclamando meyores

La secretaria de Política Municipal d’IX Asturies, Gabriela Álvarez, reivindicó güei en Piloña la urxencia nel arreglu de la carretera d’Arniciu (que xune Infiesto y Casu), de la que reprochó l'estáu de deterioru d'esta vía. Álvarez aportunó en que, nestos momentos, y col colapsu nel corredor del Nalón, ye imprescindible que s'acometan obres pa facilitar el tráficu dende Casu al restu d'Asturies, pero, tamién, p’aumentar la seguridá vial qu'afecta a tolos usuarios. Ello ye qu’esplicó, los vecinos de los núcleos a los que da serviciu esta carretera lleven años reclamando meyores.

Les males condiciones de la calzada son, a xuiciu de la responsable de Política Municipal d’IX Asturies, una amuesa de la imprevisión total" per parte de l'Alministración Autonómica, que ye la titular d'esta vía.

Gabriela Álvarez aprofió'l fuerte impactu negativu que'l zarru de la carretera As117 ta teniendo pala economía casina. "Hai que vivir en Casu pa saber lo que ta pasando, ye una incomunicación total. Y depués, la tema turística, colo que ta suponiendo pa ellos.Los empresarios tán viviendo una hecatombe".

Énte esta situación IX reclama midíes pa desaniciar los efectos xeneraos tres el zarru de la principal vía de comunicación con Casu. "Daqué hai que busca-yos. Ellos ayeri pidieron l'alternativa de celebrar ellí'l día d'Asturies, de buscar dalgún eventu turísticu que-yos promocione y fáiga-yos salir de la penuria d'estes selmanes".

Volver

Compartir

2014 Izquierda Xunida d'Asturies - Política de privacidad - Política de cookies