Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

16/04/2018

IX esixi al PSOE de Valdés, al so alcalde, y a la FSA que respeten el pactu antitransfugauismu y el pasu del so exportavoz al grupu de non adscritos

Izquierda Xunida esixó güei al Alcalde de Valdés el pasu del ex voceru municipal de la formación al grupu de non adscritos, por culpa de que'l conceyal yá nun representa al partíu col que se presentó a les elecciones, tres declarase en rebeldía, calteniendo'l pactu de Gobiernu a pesar de la decisión de la so agrupación local de la so rotura.

L'adxuntu a la secretaría d'Organización d’IX Asturies, Jaime Gareth Florez, apeló de forma directa al cumplimientu del pactu antitrasfugismo, con una llamada al so cumplimientu tantu al PSOE local como a la Federación Socialista Asturiana (FSA).

El pidimientu anovose tres la última sentencia xudicial que torna les pretensiones del que fuera conceyal por Izquierda Xunida nesi conceyu, que pretendió anular l'espediente abiertu contra él pol so partíu dempués de negase a aceptar les decisiones adoptaes polos órganos colexaos de la formación, en relación al sofitu al gobiernu municipal.

“Situaciones como les dexaes equí en Valdés –en referencia a la negativa hasta agora de pasar al grupu de non adscritos al exconceyal d'IX- faen que'l pactu antitresfuguismu sía papel “, aprofió Jaime Gareth Florez, quien pidió'l máximu respetu pales decisiones internes d'IX. “Creemos que lo que ta asocediendo nesti Conceyu ye un casu claru de transfuguismo políticu”

L'adxuntu a Organización d'IX, recordó que nel artículu primeru de la segunda adenda al Pactu Antitresfugismu, entendió por tránsfugues a los representantes locales que traicionando a los sos compañeros de llista o estremándose individualmente del criteriu fitu polos órganos competentes de les formaciones polítiques que los han presentando, o siendo espulsaos, apauten con otres fuerces pa camudar o caltener la mayoría gobernante d'una entidá local. Precisamente, enfatizó, lo qu'asocedió en Valdés, onde l’ex voceru d'IX declarose en rebeldía negándose a romper el pactu de Gobiernu y calteniéndose n'activu nel mesmu, yá non como representante de la so formación sinón de los sos propios y particulares intereses.

El mesmu articuláu del pactu, señaló Florez, axusta que, cuando hubiera duldes sobro qué miembros de la llista y del grupu políticu incurrieron en transfuguismu, ”va ser la formación política que los presentó la que tendrá d'esclariar por escritu cuál d'ellos se estremaron de la disciplina de partíu, a efectos de la so calificación como tránsfugues”:

Énte la retierada omisión del deber como firmantes del pactu antitransfugismo, per parte del Alcalde valdesanu y PSOE, Jaime Gareth repitió que ye imprescindible que se dea cumplimientu d'una vegada por toes a les esixencies d'IX. “Pidimos una vegada más, y esperemos que sía la postrera, que'l gobiernu municipal de Valdés restituya esta illegalidá democrática y que pase al conceyal que nel so día encabezó la llista d'IX –pero agora estremáu de la disciplina d'IX- al grupu de los non adscritos”.

L'apertura del espediente internu fuera impugnáu énte los tribunales pol ex voceru d'IX que, agora, tornen les pretensiones, dando la razón a la formación sobro la so capacidá pa expedientalu.

L'adxuntu a Organización d'IX, al pie de la coordinadora local en Valdés, Isabel Guardado, ufiertaron esta mañana una rueda de prensa, en conociendo'l fallu xudicial que tornaba les pretensiones de el so ex voceru contra l'espediente abiertu pola so negativa a acatar les decisiones polítiques de la so agrupación.

Volver

Compartir

2014 Izquierda Xunida d'Asturies - Política de privacidad - Política de cookies