El voceru d'IX repiti les sos crítiques al obstruccionismu de la derecha
Gaspar Llamazares, voceru parlamentariu d'IX d'Asturies, refirióse esta mañana al alderique de la enmienda a la totalidá del creitu estraordinariu d'esti xueves, que ye un pasu más nel llabor obstruccionista y de tramposería de la derecha asturiana, que nun aspira a ganar, porque'l creitu cunta con mayoría abonda pa ser aprobáu y pa sofitar el gastu social y les inversiones. La derecha cuando nun puede ganar, apexa, alvirtió, non ensin antes matizar qu'esa mesma derecha, PP y Foru, apauten l'alta velocidá la Variante de Payares pa 2021. “Unos salen teletransportaos, porque cualquier día d'estos vamos salir d'Asturies y darréu vamos tar en Madrid y otros vamos en pollín pa poder aprobar los nuesos creitos”, esplicó'l voceru d'IX, con evidente ironía, en referencia al alcuerdu publicáu ente PP y Foru por que'l viaxe a Madrid n'AVE, cuando se abrir, sía de dos hores y media. A xuiciu de Llamazares la derecha tien d'esplicar porqué la “teletransportación” pal presupuestu estatal y esta lentitú y obstrucción pa los creitos estraordinarios na comunidá autónoma.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies