Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX pide un organismu de coordinación ente conseyeríes pa evitar retrasos na aplicación de la nueva llei de contratación pública

Llamazares espera que nun sía una nueva dificultá que retarde la execución de los creitos

Gaspar Llamazares, voceru parlamentariu d'IX na Xunta Xeneral, adelantró esta mañana los asuntos que'l grupu parlamentariu va llevar al plenu d'esta selmana. IX va incidir sobro la educación, los trabayadores del ERA (Establecimientos Residenciales Asturianos) y sobro la llei de contratación pública. A xuiciu de Llamazares la entrada a valir d'esta nueva llei supón meyores que tienen que ver fundamentalmente col sector social de la economía y coles Pymes, pero tamién tien riesgos de los qu'alvirtió al Gobiernu autonómicu. El riesgu fundamental ye llegar tarde a executar les inversiones del creitu estraordinariu, esplicó tres la xunta de la Xunta de Voceros qu'enceta los asuntos del orde del día del plenu d'esta selmana. IX encamienta al Gobiernu a poner en marcha mecanismos de coordinación ente les conseyeríes, sobremanera ente los inversores, por que esta llei de contratos nun sía una dificultá más, a parte de la prórroga, sinón que sía una ferramienta pa facilitar los contratos y les inversiones comprometíes pol Gobiernu por que, nun vaiga ser, dixo Llamazares, qu'en cuenta de trés meses tarden seis n'executar les inversiones.

Ente les entrugues que van realizar los diputaos d'IX tamién s'atopen cuál ye la xustificación na que se basa'l Gobiernu pa siguir la privatización de les funciones que desenvuelven los operarios de servicios na ERA na actualidá nes residencies d'El Cristu y La Tenderina. Tamién sobro cómo piensa'l Gobiernu siguir promocionando la enseñanza del asturianu nos distintos centros educativos. Finalmente'l vienres, IX va someter a votación xuna moción subsiguiente sobro política en materia educativo y, más concretamente, sobro los planes de estabilización del profesoráu interín d'Educación Secundaria.

Volver

Compartir

2014 Izquierda Xunida d'Asturies - Política de privacidad - Política de cookies