Gaspar Llamazares, voceru parlamentariu d'IX na Xunta Xeneral, esplicó tres la Xunta de Voceros, que llama l'atención que nun esista nengún movimientu sobro'l financiamientu autonómicu n'Asturies, anque IX rexistrara una entruga nesti sentíu. Llamazares amosóse non mui optimista al respective de que'l nuevu modelu de financiamientu puea cerrase esta llexislatura, ente otres cuestiones porque da la impresión de que dempués de la negociación del cupu vascu les coses tán muncho más difíciles y, segundu, porque esi nuevu modelu de financiamientu beneficie a Asturies. La mayor parte de les comunidaes autónomes tán entamaes por que'l modelu de financiamientu sía menos solidariu y más autónomu que l'actual, apuntó. “Nun voi dicir virgencita que me quede como toi, pero casi”, aseguró al respective de cómo pue quedar el financiamientu d'Asturies nel futuru. “El modelu de financiamientu futuru nun se presenta como un modelu bien favorable a comunidaes como Asturies”, dixo a los periodistes.
Llamazares echó de menos una xunta del Presidente asturianu, Javier Fernández, con Mariano Rajoy, tal como'l Presidente del Gobiernu fizo colos d'Andalucía y Aragón. Tamién aseguró que les comunidaes yá unviaron les sos propuestes al Conseyu de Política Fiscal y Financiera anque Montoro inda nun presentó la so propuesta, puntualizó'l voceru d'IX pa encontiar les razones poles que cree qu'esta llexislatura nun va haber alcuerdu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies