El voceru d'IX na Xunta Xeneral del Principáu asegura que tien que ser el momentu para "la rexeneración democrática", al marxe de cálculos políticos de cada fuerza
El voceru d'IX na Xunta Xeneral del Principáu, Gaspar Llamazares, aseguró güei que ye insostenible el caltenimientu del Executivu del Partíu Popular en Moncloa, tres la recién condena por corrupción. Pal parllamentariu, nestos momentos les alternatives pasen porque'l Gobiernu de Mariano Rajoy presente una moción d'enfotu o esllea les Cortes y, n'otru casu, porque sía la oposición quien presente una moción de censura pa desixir les responsabilidaes polítiques qu'hasta agora'l PP negóse a asumir. Esta postrera alternativa, esplicó Llamazares, “significa una democracia que reacciona con dignidá y, sobremanera, que reacciona al marxe de los cálculos políticos de cada fuerza. Yo creo que nestos momentos ye ineludible esa moción de censura”.
Al respective de si ye'l momentu de la izquierda, Gaspar Llamazares señaló que va haber que ver si hai mayoría parlamentaria pa ello pero que, sía que non, enfatizó, “ye la hora de la rexeneración democrática", con un gobiernu qu'amás cohesione al tiempu social y territorialmente el país: "yo creo que ye'l gobiernu que precisaríen los ciudadanos, pero depende de los mesmos ciudadanos”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies