Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Vallina: '¿Hasta ónde tien que llegar la llimpieza étnica en Gaza por que la UE actúe?'

La eurodiputada d'IX critica al Conseyu Européu pola so pasividá énte los ataques verbales del ministru d'Enerxía israelina y esixe el fin del alcuerdu d'asociación con Israel por incumplimientu de la clausa 2, que supedita la so vixencia al respetu de los derechos humanos.

La eurodiputada d'Izquierda Xunida Ángela Vallina criticó duramente al Conseyu Européu esti martes dende Estrasburgo mientres un alderique sobro la situación en Gaza, nel que se preguntó “cuántos muertos palestinos más tien qu'haber” o “hasta ónde tien que llegar la llimpieza étnica” executada pol Exércitu d'Israel por que la Unión Europea reaccione.

Vallina empezó esixendo que “dexe d'oldease a les víctimes colos sos verdugos”, teniendo en cuenta que “dende'l 30 de marzu l'Exércitu israelín asesinó a 121 palestinos, 61 el mesmu día del treslláu de la embaxada d'EEXX a Jerusalén, ente que nun morrió nengún ciudadanu israelín a manos palestines”.

Amás, recordó que l'Estáu de “Israel ye la fuerza ocupante según la convención de Xinebra”, que “nun respeta los alcuerdos de Naciones Xuníes, nin los alcuerdos de paz de Oslo” y que magar tola Unión Europea sigui calteniendo la vixencia del alcuerdu d'asociación de 1994, inclusive cuando “l'artículu dos fala de que si non se respeten los derechos humanos, l'alcuerdu apara”.

La eurodiputada d'IX amás criticó la pasividá de Bruxeles cuando'l ministru d'Enerxía israelina, Yuval Steinitz, mandara “al infiernu a los europeos” dempués de qu'a Alta Representante de la UE p'Asuntos Esteriores, Federica Mogherini, “punxera en dulda nun comunicáu qu'Israel tea respetando'l derechu a la protesta pacífica y el principiu de proporcionalidad”.

“Yo nun sé señores del conseyu cuántos muertos palestinos más hai que poner enriba de la mesa, cuánta llimpieza étnica ye necesaria por qu'ustedes empiecen a actuar y nun tengan la hipocresía que tán teniendo”, sentenció.

Volver

Compartir

2014 Izquierda Xunida d'Asturies - Política de privacidad - Política de cookies