Menu

La coordinadora d'IX d'Asturies aprobó esta tarde un calendariu emponedor pa falar de les próximes cites electorales de 2019, nun procesu que van peracabar al traviés de la Colexada de la formación.

Nesti cronograma, plantéguense feches pa la celebración del referéndum d’IX Asturies, reglamentos de primaries, elección de la delegación asturiana a l'Asamblea Federal, acciones que podríen realizase a lo llargo del mes de xunu. Pa ochobre de 2018, propónse la celebración d'una nueva coordinadora que tendría d'encetar el calendariu de primaries que, depués, se sustanciarán nel procesu de consultes a la militancia pa escoyer la candidatura autonómica y les municipales onde proceda.

Siguiendo esti calendariu, prevese que xineru de 2019 sía’l mes pa dar en la votación del Programa autonómicu y la aprobación de les candidatures municipales que fueren escoyíes.

Tratase d'un calendariu que tendrá de ser cerráu de forma definitiva en próximes xuntes de coordinación.

El Coordinador xeneral d'IX d'Asturies, Ramon Argüelles, esplico qu'en función d'eses xuntes dirá estenándose tanto'l modelu de participación como posibles consultes a la militancia, Al traviés d'un referéndum y p’aldericar el modelu participativu na elección de candidatures y electorales, L'encaxe d'Izquierda Xunida d'Asturies n'IX Federal y fórmules de confluencia.

Axúntase una imaxe d'esi calendariu. Teniendo en cuenta que son feches propuestes pero ensin cerrar y que van depender finalmente de posteriores coordinadores, que tendrán de decidir eses cites, inclusive'l mesmu referéndum.