Acéptase la rectificación y l'expurgo de la UAR de 483 persones que nun taben daes d'alta'l 8 de xunu pero qu'apaecíen con tolos derechos el 11 de xunu
Superáu'l discutiniu del censu de simpatizantes
El conflictu pol censu de simpatizantes, dempués de que se rexistrara, del vienres 8 al llunes 11 de xunu, una medría de 483 altes, quedó atayáu, según esplicaron güei el coordinador xeneral d'IX Asturies, Ramón Argüelles, y el secretariu d'organización, Alejandro Suárez. Izquierda Xunida d'Asturies da por bona, esplicó Suárez, les esplicaciones: “bienvenida sía esa rectificación, erru alministrativu o lo que sía: una alarma menos”.
La molición producióse dempués de que se constatara, en situación d'alta y con tolos derechos a efectos políticos dientro de la organización, 483 afiliaos más nuna fin de selmana, que pasaron a tar en situación d'alta, con nomes y apellíos na Unidá de Afiliacióm y Recaldación (UAR) d'Izquierda Xunida –un rexistro web controláu dende la organización federal pero a la que tienen accesu les distintes federaciones-. Ese amonto quedó rexistráu, con captures de pantalla como cola impresión de los rexistros, y los dos feches de referencia, magar ye ciertu que, una vegada denunciada la situación, fueron expurgados d'esa base de datos, amenorgándose tan solo a 36 los que se caltuvieron activos. “Contra fechos nun caben argumentos y tener por escritu. La unidá d'afiliación el vienres tenía un númberu y 500 (483) más el llunes siguiente. Al tar na unidá d'afiliación, onde tamién hai simpatizantes, tas nel exerciciu de los sos derechos”.
Argüelles felicitóse tamién porque esta cuestión tea resuelta. “Esa agora mesma ye la batalla. Esclarióse esi tracamundiu. Agora la batalla ye qu'esti referéndum (el covocáu por IX Federal pa falar de la confluencia n'ámbitos autonómicos y municipales) pueda usurpar competencies que tenemos nós. Esa ye la batalla”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies