Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

14/06/2018

Argüelles confía en qu'IX Federal respete y acate el referéndum d'Asturies sobre confluencias municipal y autonómica

El coordinador xeneral, al pie de Alejandro Suárez y Fernándo Díaz Rañón amosaron unidá y refugaron un escenariu de rotura que "nun sería bonu pa naide"

El coordinador xeneral d'IX Asturies, Ramón Argüelles, amosóse güei convencíu de que los desencuentros ente la formación y la organización federal van resolver de forma satisfactoria pa toles partes y circunscribió'l conflictu a cuestiones concretes y non estructurales, polo que l'escenariu que s'embaraxa ye'l del alcuerdu. El puntu clave ye'l referéndum que va entamase dende Asturies que se va celebrar y tien de ser respetáu. Otru escenariu, aprofió, “meyor nun contemplalo” “porque nun sería bonu pa naide”.

“Tratase d'una diferencia puntual con al respective de una pregunta que pretende faese nel referéndum (convocáu dende Madrid), onde se preguntar a les afiliaes y afiliaos asturianos por cuestiones que son directamente competencia ya Izquierda Xunida d'Asturies, tanto como la política d'aliances a nivel municipal, tanto como a nivel autonómicu”. Eso sí, Argüelles reivindicó l'autonomía qu'el mesmu coordinador federal, Alberto Garzón, reconociera a Asturies y, por ello, que se respete y acepte el referéndum que va entamar IX Asturies.

Ramón Argüelles compareció esta mañana xunto'l so secretariu d'organización, Alejandro Suárez, y Fernando Díaz Rañón, nuna mesa cola que pretendía treslladase la imaxe d'unidá, al tar na mesma los trés persones que, apocayá más d'un añu, compitieron pola coordinación d'IX Asturies.

Sía que non, Argüelles recordó que yá na postrera coordinadora llevárase una propuesta pa la realización d'un referéndum propiu n'Asturies que, precisamente, ye'l que, nuevamente encetóse na pasada colexada. Al respective de la consulta que s'impulsa dende la organización federal, el máximu responsable d'Izquierda Xunida aprofió que nun hai boicó dalgunu, por cuanto que nun se ta faciendo campaña en contra del mesmu, puede participase telemáticamente y tamién de forma presencial yá que, ello ye que va haber sedes que se van abrir pa ello. Eso sí, esclarió, IX nun se va sentir venceyada a la consulta nacional, por culpa de que se trata de competencies propies de la federación asturiana que va impulsar el so propiu referéndum que va ser el que marque l'aldu políticu nestes materies.

La cuestión del referéndum autonómicu nun tien por qué suponer nengún problema a xuiciu del coordinador xeneral de IU Asturies. Ello ye que esplicó qu'esto yá s'había n'otres zones. “Lo que pidimos a IX Federal ye qu'acepte y acate el referéndum onde se va a preguntar pola tema autonómicu y la tema municipal n'IX Asturies”.

Ramón Argüelles repitió la vocación federal” d'IX Asturies pero ensin arrenunciar a l'autonomía propia: “sería tan malu nun tener una referencia federal como tar sometíos a la dictadura digamos, a la democracia centralista centralista, en cada materia que pueda ser competencia nuesa. garantizósenos que díbamos tener el nuesu CIF, la nuesa independencia y que díbamos decidir tanto autonómicu como municipal”. Y eso, añedió foi lo que s'aprobó na postrera colexada onde la mayoría de los sos miembros alcordó un referéndum propiu, na que'l coordinador abstener pa tratar de caltener un perfil neutru en daqué pa lo que nun sé llogró la unanimidá. “Nun quixi dar la sensación que taba a favor d'una dirección y en contra d'otru pero asumo, dafechu, como lo asumimos el restu de la colexada, la decisión tomada por esti órganu de Gobiernu que vien sintetizase no que vos dicía agora: la nuesa esmolición porque esa consulta federal que se fai facer sobro materies nes que nós tenemos competencies”.

Fernando Díaz Rañón destacó la fortaleza de IU Asturies que tuvo capacidá p'aparcar diferencies y cooperar ente les distintes sensibilidaes. “Nun fai munches feches esta organización entraba nuna asamblea con trés candidatures y agora tamos equí los representantes d'eses trés candidatures, xuníos nuna dirección y con un oxetivu, que ye fortalecer esta organización y enfrentanos nes meyores condiciones posibles a les próximes elecciones municipales y autonómiques”.

Pela tarde, ta prevista una xunta de la Comisión de Conflictos, que se presenta como'l primer pasu pa resolver los desencuentros. “Espero que teamos al altor y que síamos capaces de solucionar esti problema. La disposición nuesa veis lo que ye: respetar lo que se nos prometió, a cencielles”, concluyó Argüelles.

Volver

Compartir

2014 Izquierda Xunida d'Asturies - Política de privacidad - Política de cookies