El grupu parlamentariu d'IX va defender una Proposición Non de Llei sobro fibromialgia y y fatiga crónica
Concha Masa, vocera axunta d'IX na Xunta Xeneral, esplicó esta mañana tres la Xunta de Voceros, los asuntos que'l grupu va llevar a plenu esta selmana. Na sesión de control del xueves IX va realizar trés preguntes sobre: equidá educativa, masificación del ríu Sella y atención primaria. IX va preguntar sobre equidá educativa, entendida como igualdá d'oportunidaes. “Equidá nel sentíu de xéneru y polo xeneral dende'l puntu de vista social, pa conocer qué midíes tán aplicándose por que neños y neñes tengan les mesmes oportunidaes educatives y puedan integrase tantu con necesidaes especiales, como inmigrantes o neños con requerimientos d'atención especial”, dixo Masa. De la mesma, los integrantes del grupu van demandar información sobro'l saléu de piragües nel ríu Sella, cuidando que a xuiciu d'IX tase masificando nos últimos tiempos de manera bien notable y “creemos que la Confederación Hidrográfica tien d'intervenir y estudiar y analizar la situación pa nun correr riesgos y garantizar la seguridá y tamién el caltenimientu del mediuambiente”. Igualmente va preguntar sobro los planes n'atención primaria, que tien un papel fundamental na salú.
Pal vienres, IX va llevar pa la so votación una Proposición Non de Llei sobro fibromialxia y fatiga crónica na que se demanda, ente otres cuestiones, implementar un protocolu d'atención integral a les persones enfermes, el fomentu de la investigación y que la fibromialxia y el síndrome de fatiga crónica sía reconocida per parte del Institutu Nacional de la Seguridá Social como enfermedá incapacitante de calter temporal o permanente nos sos distintos graos.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies