Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

02/07/2018

IX y PCA ponen de mancomún les sos axendes pa 'fortalecese'

La nueva secretaria xeneral de Partíu Comunista, Agustina Guglielmetti, y Ramón Argüelles caltuvieron güei el primer alcuentru para evidenciar la sintonía de "converxencia" ente dambes fuerces

El coordinador xeneral d'IX Asturies, Ramón Argüelles, y la nueva secretaria xeneral del Partíu Comunista d'Asturies (PCA), Agustina Guglielmetti, coincidieron güei na gran sintonía de dambes fuerces, tanto no programático como no operativo. “Ye'l nuesu referente de converxencia”, enfatizó Guglielmetti en referencia a IX cola que-yos xune los intereses de la clase trabayadora, de la mayoría social”:

L'alcuentru ente dambos dirixentes nun ye una casualidá y de fechu trátase de la primer xunta de la nueva secretaria xeneral del PCA tres la so elección el pasáu sábadu. “Queremos trabayar, funcionar y dir de la mano ende onde siempres tuvimos, que ye na cai, defendiendo a toes eses persones y paecíanos bien importante pos que quedara reflexáu amás nun primer alcuentru onde quedara patente que somos organizaciones hermanes”.

Argüelles, pela so parte, enfatizó la trayectoria de sofitu constante a los derechos de la clase trabayadora y, dende va munchos años, “nel movimientu feminista”.

Nesti primer alcuentru, IX y PCA punxeron de mancomún les sos axendes inmediates. “Agora lo que nos toca ye preparar, fortalecenos”, señaló Argüelles con vistir puesta nes próximes elecciones. Y ye que, aseguró'l máximu responsable d'IX Asturies, “va siguir siendo necesariu un espaciu d'esquierda granible, que siga recuperando derechos de la xente”.

Volver

Compartir

2014 Izquierda Xunida d'Asturies - Política de privacidad - Política de cookies