Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Vallina esixe a la UE “tolerancia cero” colos matrimonios precoces o forzaos

La eurodiputada asturiana reclama n'Estrasburgo midíes contra “cualquier tipu d'imposición d'una cultura patriarcal” na política esterior europea.

La eurodiputada d'Izquierda Xunida Ángela Vallina reclamó anueche mientres la primer sesión del plenu que se celebra esta selmana n'Estrasburgo, midíes concretes na política esterior de la Unión Europea que sirvan para acabar colos matrimonios precoces o forzaos. La parllamentaria esixó “tolerancia cero” con estes práctiques o “cualquier tipu d'imposición d'una cultura patriarcal”, daqué que “ta nos nuesos trataos” y que nos fadría cumplir tamién col artículu 37 del Conveniu d'Istambul”.

“La nuesa política esterior tien de siguir a raxatabla los trataos, que defenden la protección de los menores, polo qu'una vegada más faemos un llamamientu a la coherencia, a l'aplicación efectiva de les nueses normes y d'alcuerdos internacionales como Istambul y l'axenda 2030 de Naciones Xuníes”, amás de que “les nueses polítiques de desenvolvimientu en terceros países y les polítiques comerciales converxen escontra'l respetu de los derechos humanos n'especial de muyeres, neñes y neños”.

Vallina anunció'l votu positivu del Grupu de la Izquierda Unitaria Europea / Izquierda Verde Nórdica al informe n'alderique, propuestu pol diputáu lliberal Charres Goerens, porque “tamos a favor de erradicar el matrimoniu precoz na UE y en cualesquier parte del mundu”.

Son práctiques “que suponen formes d'esclavitú permanente” y, d'esta forma, “vamos cumplir tamién col artículu 37 del Conveniu d'Istambul”.

Volver

Compartir

2014 Izquierda Xunida d'Asturies - Política de privacidad - Política de cookies