Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX reclama un plan d'actuaciones y otru de prevención frente a argayos como'l de La Cortina

Les obres d'estene de La Cortina entamaron güei mesmo con presupuestu inicial ampliable de 350.000 € aprosimao, según confirmó l'alcaldesa Genma Alvarez Delgado

IX reclamo güei en La Cortina un plan d'actuaciones y otru de prevención pa prever, na midida de lo posible, situaciones como les vivíes nesta localidá del conceyu de L.lena. L'oxetivu tendría de ser la realización d'un estudiu xeolóxicu d'aquellos puntos que pudieren ser conflictivos, de tala forma que pudiera xenerase un mapa de riesgos.

El coordinador xeneral de la formación, Ramon Argüelles, la diputada Concha Masa, l'alcaldesa del conceyu, Genma Alvarez Delgado, y la secretaria de Política Municipal d'IX Asturies, Gabriela Alvarez moviéronse esta mañana hasta l'enclave pa conocer, in situ, l'algame d'esti desastre y amosar la solidaridá y el sofitu a la población afectada.

Polo pronto, les obres pa estenar la zona yá empezaron según confirmaba l'alcaldesa, al traviés d'un procedimientu d'urxencia, con presupuestu inicial superior a los 300.000 euros, ampliables. Nesti sentíu, Genma Alvarez Delgado esplicó que se taba plantegando de forma similar a lo que se fixo nel argayu de Casu, onde tamién s'empecipió la obra con un presupuestu d'arranque similar que finalmente algamó los 800.000 €.

Al respective de la propuesta d'Izquierda Xunida, esplicó Concha Masa, tratase de xenerar un estudiu de los puntos de mayor riesgu”. Y ye que, a xuiciu de la diputada, “el campu asturiano ta bien abandonáu y amás de toles dificultaes que ta teniendo de tipu económicu, de comunicaciones, como munches vegaes reivindicamos dende IX, pero tamién tien riesgos que, como ésti pon la so vida en riesgu y nuna situación bien complicada“.

Ramon Argüelles enfatizó la necesidá de que'l Principáu d'Asturies busque víes pa evitar situaciones d'esti tipu. “Yá que tenemos un bon equipu de protección civil, unos bonos inxenieros, yá pidimos va tiempu y vamos volver a repitir y por eso vien tamién nuesa diputada Concha Masa, que se cree una especie d'inventariu de zones onde pueden producise desprendimientos”.

Gabriela Alvarez destacó'l papel clave que tienen que tener los conceyos como axentes más cercanos a la de determinar qué llugares pueden ser susceptibles de riesgu. Ello ye que la Secretaria de Política Municipal recordó qu'episodios como esti produciéronse notros llugares nos últimos meses dalgunos tan importantes como'l que dexó aislláu'l conceyu de Casu mientres delles selmanes.

Volver

Compartir

2014 Izquierda Xunida d'Asturies - Política de privacidad - Política de cookies