Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Ramón Argüelles esixe a Hugo Morán sensibilidá coles cuenques mineres

Convida al Secretariu d'Estáu a que mire a la cara a los asturianos y díga-yos qué ufiérta’l Gobiernu énte la transición enerxética

Ramón Argüelles, Coordinador d'IX d'Asturies, esixe a Hugo Morán sensibilidá pa coles cuenques mineres na so nueva responsabilidá como Secretariu d'Estáu de Medioambiente. IX esperaba que d'un ex alcalde mineru, que participó viviegamente en ACOM (Asociación de Contornes Mineres) mientres munchos años, esprendiérase sensibilidá coles cuenques mineres y colos sectores económicos que dexaron el so sustentu dende va décades, pero paez qu'asocede lo contrario. IX reclama del Secretariu d'Estáu asturianu que mire a la cara a los asturianos y díga-yos qué ufiérta’l Gobiernu énte la transición enerxética, porque nun ye de recibu que forme parte del coru voces que reclamen proyectos pa la descarbonización a ritmu de fórmula 1 mientres menten cola boca pequena supuestos planes d'esplegue de les anovables y reactivación de les cuenques afectes que nun algamen nin el ritmu d'una tortúa.

Les declaraciones públiques qu'arramó nestes últimes selmanes llamen a la esmolición. Primero defende'l exalcalde de L.lena que'l Gobiernu de lo público pórtese, como Poncio Pilatos, en relación al zarru aceleráu de les centrales térmiques y diz que nun se podrán frenar lo que decidan les empreses na so llibertá de mercáu”. Esa posición de cortexu a les tesis más neolliberales supondría la dimisión del Gobiernu énte les sos obligaciones de regulación de los intereses enerxéticos del país, precisamente en relación con unos de los sectores más estratéxicos pa un Estáu y que más se ta xugando nestos tiempos, diz Argüelles

Esta selmana llanza amás un chisgu a la descarbonización exprés con espresiones como “el tiempu uon puede mercase” y “quien s'incorpore más tarde va tener menos oportunidaes”. Sicasí, nun punxo sobro la mesa nin una sola propuesta en relación a lo fundamental: ¿Tien dalgún plan el Gobiernu por que la descarbonización exprés nun suponga la medría de la dependencia del gas arxelino o de la enerxía nuclear?;¿Por qué'l Gobiernu fala de zarru aceleráu de minería y centrales térmiques pero nunca pon sobro la mesa alternatives de desenvolvimientu socioeconómico que garanticen el futuru de les contornes mineres y de los sectores dependientes d'esti tipu de plantes?; ¿Por qué Alemaña, ensin necesidá de mercar tiempu, ta aumentando los sos consumos de carbón dientro de la fueya de ruta más ambiciosa d'un país de la UE d'apueste poles enerxíes anovables?

Volver

Compartir

2014 Izquierda Xunida d'Asturies - Política de privacidad - Política de cookies