Menu

Reclama la llimpieza viaria de forma inmediata y midíes alministratives por que nun vuelva pasar

Ovidio Zapico, diputáu d'IX na Xunta Xeneral xulga de vergoñosa la situación, un añu más, de la totalidá de la rede de carreteres de titularidá autonómica que tán ensin rozar y el silenciu cómpliz de la mayoría de los conceyos asturianos. Esta situación repitese añu tres d'añu y anicia peligros evidentes p'automovilistes y especialmente pa los ciclistes, esplica Zapico.

Gabriela Álvarez, Secretaria de Política Municipal d'IX, incide en que los conceyos asturianos enfrentense a un mes d'agostu nel qu'inda non se solucionaron los problemes de llimpieza viaria de les infraestructures de titularidá autonómica. “Un añu más ye una falta de planificación de la Conseyería d'Infraestructures y un añu más tenemos qu'esixir al departamentu autonómicu que se faiga con abonda antelación”, repite Álvarez, qu'alvierte de que nun se trata d'un problema estéticu” sinón d'urxente necesidá poles implicaciones que representen na seguridá vial.

A IX nun-y sirven les sides alministratives y cree que de la Dirección d'Infraestructures y Movilidá sigue ensin tener los deberes fechos a estes altures del añu y sigue ensin tar afecha a la nueva llei de contratos del sector públicu. “¿Qué van pensar los turistes d'atopar unes carreteres asturianes encloyaes pola vexetación?”, pregúntase Ovidio Zapico.

IX esixe inmediatez nes roces y garantíes alministratives de que nun se repitan los problemes na ellaboración de los pliegos nos próximos años.IX rexistró nel Parlamentu asturianu una entruga pa saber cuándo se van a faer estos trabayos d'una vegada.

Per otru llau, IX tamién considera una falta de previsión bien grande los atascos que se producieron na Autovía Minera mientres la pasada fin de selmana pasada. “Dende IX emplazamos al Gobiernu a adoptar toles midíes posibles para embrivir el zarru de carriles afectaos por obres nos momentos en que nun se trabaya”, apunta Zapico.