Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Zapico alvierte a Sofía Castañón de que nun se pue apelar a otros partíos p’ameyorar una llei nefasta p’Asturies

El diputáu d'IX recuerda que'l testu de Xuníos Podemos propón la desapaición d'Hunosa

Ovidio Zapico, diputáu d'IX na Xunta Xeneral, alvierte que la diputada de Xuníos Podemos per Asturies, Sofía Castañón, demuestra coles sos declaraciones qu'ente Asturies y la cúpula del partíu escoyó'l partíu y asina lo refrenden los fechos. “Nun pue esperase que la tramitación parlamentaria o la responsabilidá d'otros partíos ameyore una llei nefasta pa la nuesa comunidá autónoma”, sostien el diputáu d'IX en referencia a les declaraciones d'ayeri en Xixón nes que Sofía Castañón apela al trámite lexislativu pa camudar la llei de transición enerxética y cambéu climáticu rexistrada por Xuníos Podemos. “Eso ye dexar en manos d'otros la responsabilidá propia”, diz el diputáu que yá pidió la retirada d'esta llei que propón el zarru de les térmiques antes de 2025, la prohibición o amenorgamientu de los fertilizantes nitrogenados, el cuchu, escaeciéndose l'enraigón a esta tierra y a la ganadería y agricultura asturiana o'l zarru inmediatu d'Hunosa, por citar solo unos exemplos.

“A nós gustaríanos que Sofía Castañón esplicara en cualquier llugar de les Cuenques la so posición a favor del zarru inmediatu d'Hunosa, tal que figura nel artículu 46 de la llei de Transición y Cambéu Climáticu rexistrada pol grupu nel Congresu, artículu tituláu “desinversión estatal en combustibles fósiles”, incide'l diputáu d'IX d'Asturies.

A lo último, Zapico sorraya que “ye sorprendente que tola so campaña electoral consistiera n'anovar la política pa repitir los erros del sucursalismu de los grandes partíos ya inda nun s'haya dignado a dar la cara énte los sos votantes”.

Volver

Compartir

2014 Izquierda Xunida d'Asturies - Política de privacidad - Política de cookies