Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

IX esixi al Gobiernu que l'amenorgamientu de la xornada llectiva pal profesoráu empiece yá en septiembre

Ovidio Zapico alvierte a Genaro Alonso de que nun ye posible escondese tres el Ministeriu d'Educación y qu'otres comunidaes tán recuperando derechos

Ovidio Zapico, diputáu d'IX na Xunta Xeneral, esixe al Gobiernu de Javier Fernández y al conseyeru d'Educación, Genaro Alonso, que trabayen mientres el mes d'agostu pa poer empecipiar el cursu escolar col amenorgamientu de la xornada llectiva del profesoráu de Secundaria a les 18 hores. A xuiciu del diputáu asturianu, el Conseyeru d'Educación pretende escondese tres el Ministeriu d'Educación pa nun devolver al profesoráu asturianu los horarios anteriores a 2012, lo que tendría que faese yá esti mes de setiembre. Zapico alvierte de que Genaro Alonso omite una parte bien importante de la realidá: que'l Gobiernu central nun ta poniendo como condición indispensable la derogación del Decretu Llei 14/ 2012 a les comunidaes autónomes por que puean recuperar, dende yá mesmu, los derechos perdíos de resultes de les polítiques neolliberales, por que s’ameyore la ratio nes aules o por que se cree emplegu. “Otres comunidaes autónomes de signu progresista yá transiten pola sienda de la recuperación de derechos”, recuerda'l diputáu asturianu.

Dende IX nin entendemos nin aceptamos que'l Gobiernu socialista y la FSA nun implementen les 18 hores en septiembre y que pongan una escusa de mal pagador retardando un añu'l compromisu que yá teníen adquiríu pal cursu qu'empieza dientro d'unes selmanes, sostien Zapico.

Volver

Compartir

2014 Izquierda Xunida d'Asturies - Política de privacidad - Política de cookies