Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

04/09/2018

IX amuesa la so solidaridá coles víctimes y destaca la respuesta de la ciudadanía y los servicios públicos nel accidente de aviles

IX d'Asturies amosó güei la so empatía y solidaridá coles víctimes del accidente d'autobús n'Avilés, que se cobró cinco vides y dexó decenes de persones mancaes.

El Coordinador xeneral d'IX d'Asturies, Ramon Argüelles, el voceru de la formación de la Xunta Xeneral del Principáu, Gaspar Llamazares, la secretaria de Política municipal, Gabriela Alvarez y el grupu municipal en plenu, l'alcalde d'Illas, Alberto Tirador y representantes de la coalición n'otros conceyos como Castrillón, Corvera o Gozón, allegaron esta mañana a la concentración entamada frente al conceyu de la Villa en memoria de les persones finaes y en sofitu y solidaridá coles feríes.

Argüelles treslladó, en nome d'IX, les sos condolencias a familiares y amigos de les persones afectaes y amosóse esperanzáu na so recuperación.

Gaspar Llamazares pela so parte quixo destacar la solidaria respuesta ciudadana, que nun duldar en collaborar nel rescate de les persones que viaxaben nel autobús siniestrado. El diputáu valoró tantu esa empatía bonal como la rápida respuesta de los servicios públicos d'emerxencies.

Pal parllamentariu, nestos momentos, ye imprescindible evitar especulaciones y esperar a conocer les conclusiones de la investigación en marcha coles mires de garantizar la máxima seguridá y evitar, si ye posible qu'accidente d'esti tipu pueda repitise.

Pela so parte, la Secretaría de política municipal d'IX d'Asturies esplicó que’n momentos como estos ye imprescindible amosar tol sofitu y la solidaridá pa coles víctimes.

Volver

Compartir

2014 Izquierda Xunida d'Asturies - Política de privacidad - Política de cookies