Menu

El voceru d'IX cree qu'esta nueva norma va ser "vanguardista" y va dexar intensificar la llucha contra la corrupción al traviés d'una oficina específica

La Xunta Xeneral va aldericar nel próximu Plenu la Llei de Tresparencia cola que pretenden superase defectos de normes similares d'otres comunidaes autónomes y del propiu Estáu, cola incorporación d'una regulación específica pa los lobbies (grupos de presión) y qu'amás abre la posibilidá a cuentes abiertes. Trátase, según el voceru d'IX nel Parlamentu d'Asturies, Gaspar Llamazares, d'una lexislación “vanguardista” qu'amás va ayudar a garantizar la tresparencia cola puesta en marcha d'una Oficina Anticorrupción.

“Creemos qu'unu de los pasos importantes en materia lexislativo d'esta Comunidá, frente a l'acusación de qu'esta Cámara nun acababa d'aprobar dende'l puntu de vista lexislativu pos apruébase nel próximu Plenu. Quiero destacar porque amás va aprobase, probablemente, por unanimidá, cosa que ye bono, pa mi como presidente de la Ponencia, y bono pal conxuntu del trabayu de la Cámara”, esplicó Llamazares.

Pal voceru d'IX, l'aprobación d'esta llei tien que ser, tamién, un puntu d'inflexón que dexe sacar alantre otres iniciatives clave en materia social y de memoria histórica.