El Coordinador xeneral d'IX d'Asturies, Ramón Argüelles, y l'alcaldesa de Castrillon, Yasmina Triguero, reprocharon güei al Gobiernu d'Asturies la so escasa implicación nel financiamientu de les campañes d'escavaciones arqueolóxiques nel yacimientu de Raíces, onde s'asitiaba'l castiellu de Gauzón.
Ente espropiaciones y escavaciones, el Conceyu destinó más de 2 millones d'euros, frente a los 200.000 que nestos postreros 10 años asumió l'alministración rexonal.
Argüelles recordó que fai solo un par de selmanes visitara'l conceyu tamién pa esixir el cumplimientu de compromisos d'inversión, nesi casu pa la biblioteca de Piedrasblancas, un proyectu que data del añu 2010 y que sigue empantanado polos repitíos incumplimientos de los socesivos gobiernos d'Asturies.
Yasmina Triguero aseguró que ye imprescindible mayor implicación del Principáu d'Asturies, dada la importancia d'esti xacimientu arqueolóxicu, que ta apurriendo datos hasta agora desconocíos de la hestoria medieval asturiana, y qu'amás supunxeron la revisión de les distintes teoríes sobro'l surdimientu del reinu ástur.
La rexidora recordó que na recuperación de la hestoria de Castrillon y d'Asturies el Conceyu destinara entá más recursos, como los invertíos no que foi'l Monesteriu de la Mercé y nel conxuntu de cases de Raíz Viejo que funcionen como centru d'interpretación, y albergue.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
