Menu

La eurodiputada esixe'l respetu a la Convención de Xinebra y alerta en Palermo del peligru del decretu Salvini al crear guetos pa xente abellugao

La eurodiputada d’IX Ángela Vallina acometió esta selmana en Palermo contra les polítiques anti-inmigración que distintos países europeos tán poniendo en marcha y alvirtió de los riesgos que s'acurren n'Europa contra los Derechos humanos, tantu pol zarru de fronteres, la creación de campos de refuxaos o la negativa de dellos Estaos a dar rescate, siquier, a persones nel mar y en claru riesgu de muerte.

Decretos como l'apocayá aprobáu per Italia, el denomináu “Decretu Salvini”, les devoluciones en caliente del PP n'España nes sos fronteres de Ceuta o Melilla, vienen demostrar una involución que ponen en cuestión la lexislación internacional. “Creo que lo de Salvini… tenéi enforma curiáu, porque d'estos guetos, tamién empezaron n'Alemaña (nazi) y acabaron dempués construyéndose los campos que se construyeron”, enfatizó Vallina.

Frente a lexislaciones a conveniencia de la coyuntura, la diputada esixó respetu a la Convención de Xinebra daqué que, dixo, nestos momentos nun se ta faciendo. ¿ú la Convención de Xinebra sobro los refuxaos de 1951?¿Por qué han faese otres lleis, otra lexislación? Tenemos una lexislación que cualquier estáu democráticu tien que respetar”.

Ángela Vallina participó como ponente nunes xornaes que sol títulu “Trabayo, acoyida, integración, pa la construcción d'una rede europea de trabayadores de los servicios públicos a persones migrantes” desenvuélvese na capital de Sicilia y en que la so organización participaba tamién Comisiones Obreres (CC OO) Servicios a la Ciudadanía.

La so intervención foi especialmente dura coles polítiques d'Italia y del so Ministru del Interior, Mateo Salvini, so que les sos ordes el país ta cerrando les sos fronteres a los barcos humanitarios que traten de rescatar a cientos de seres humanos nel Mediterráneu. “Lo que fixo Salvini, de dexar aquel barcu que depués recoyó España nun tien otru nome más qu'asesinatu, porque ye dexar morrer a les persones nel mar”, afirmó ente aplauso Ángela Vallina.

Énte esta situación, la eurodiputada aseguró que ye indispensable faer pedagoxía. Tol mundu tendría de triar un campu de refuxaos, dixo, pa ver en qué condiciones tán y pa conocer les dramátiques hestories que los llevaron a abandonar los sos países. “Tola ciudadanía tenemos de dicir basta. Hasta equí”. Y ye que, enfatizó Ángela Vallina, lo más inxusto ye'l silenciu o la indiferencia de los xustos.

Reproches d'Ángela Vallina fueron tamién pa les polítiques migratories españoles, tanto les del PP y les devoluciones en caliente, concertines o los sucesos del Tarajal, como pal recién alcuerdu del actual gobiernu con Marruecos que, recordó, utiliza tamién la so collaboración como moneda de cambéu p'arrincar prebendes de la Unión Europea

La parllamentaria foi bien crítica colos cambeos que se tán operando nel mundu y que, aseguró, tán dexando al descubiertu la verdadera cara del sistema, tres la cayida del muriu de Berlín. “Yo creo que'l sistema quitóse'l mazcaritu, definitivamente, porque yá nun hai tampoco con quién midise. Nun hai otru sistema. Antes crearon un sistema de bienestar social porque tenía que competir col otru bloque. Agora non”.