Menu

El Coordinador xeneral d'IX d'Asturies, Ramon Argüelles, pidió güei, como meyor midida, llegar hasta'l final nes investigaciones pa esclariar l'asesinatu del conceyal de la so formación en Llanes, Javier Ardines, y la que tamién ta en marcha poles amenaces de muerte contra l'alcaldesa de Riosa, Ana Díaz, y unu de los sos conceyales.

Asi, aprofió, atopar a los responsables, afirmó Argüelles, va ser un exemplu “aleccionador pa otres conductes acosadoras o que puedan ser peligroses”.

Argüelles realizó estes declaraciones a entrugues de la prensa minutos antes d'empezar la Xunta de Seguridá, convocada por Delegación de Gobiernu, a la qu'asistía al pie de l'alcaldesa de Riosa, y la coordinadora d'IX en Llanes, Priscila Alonso.

Alonso, que nes próximes selmanes va ocupar l'escañu qu'hasta'l so asesinatu correspondía a Javier Ardines, esplicó que va asumir el cargu con sentíu de la responsabilidá y ensin medrana porque, añedió, “nun podemos dexar qu'estes coses creen el mieu en toos nós”.

Pela so parte, la rexidora de Riosa amosó'l so enfotu en qu'esta xunta de la Xunta de Seguridá pueda refundiar lluz sobre la situación de les investigaciones, tanto del asesinatu de Javier Ardines, como de la campaña d'amenaces nel so conceyu.