Menu

María José Miranda alvierte de que los primeros casos tán detectándose yá nel Occidente y reclama actuaciones por que nun s'estienda, como yá asocede en Cantabria o País Vascu

María José Miranda, diputada d'IX na Xunta Xeneral, responsable de los asuntos de Desenvolvimientu Rural y Recursos Naturales, amuesa la so esmolición pola apaición de los primeros casos de la comunmente denominada peste del pinu, sobremanera nel Occidente Mariñán. Esti hongu de banda colorada y banda marrón, afecta más fuertemente a la especie radiata, el pinu insigne, que crez principalmente nes zones costeres o más templaes y estiéndese frutu de les condiciones climatolóxiques de los últimos meses, con precipitaciones abondoses y más calor del habitual. IX pidi al Gobiernu asturianu que tome les midíes necesaries pa desaniciar una catástrofe qu'agora inda se puede desaniciar una y bones la estensión d'esta enfermedá de los pinos afectaría de manera bien importante a un sector clave como ye'l forestal, como esplica Miranda.

IX plantega una serie d'entrugues al Gobiernu y sinón satisfai la respuesta vamos pasar a otru tipu d'iniciatives, cuidando que ye'l momentu d'evitar la estensión de la enfermedá de los pinos, una peste que yá ta bien enraigonada en Cantabria y nel País Vascu, y cuanto más tardemos más difícil va ser tomar midíes para frenala. En Vizcaya, por casu, más del 25 per cientu de los pinos tán contaminaos por esi mal, tomando más de 60.000 hectárees.

En concretu les entrugues rexistraes por IX esta mesma mañana son les siguientes: ¿cuál ye na actualidá'l nivel de afectación n'Asturies de la llamada “peste de los pinos”, tamién conocida como banda marrón o Lecanosticta acícola?; ¿qué previsiones tien el gobiernu sobro la evolución d'esta potencial epidemia nos próximos tiempos na nuesa Comunidá Autónoma?; ¿qué midíes tomó o piensa tomar pa prevenir la estensión n'Asturies d'esta plaga y, nel so casu, pa desaniciar los efectos qu'hasta agora pudo tener?;¿hubo dalgún alcuentru técnicu o institucional de personal o responsables del Principáu d'Asturies colos d'otres comunidaes cantábriques pa establecer dalguna estratexa conxunta en relación a esti problema?;¿qué impactu económicu y social podría tener esta plaga si la so estensión fora idéntica a la que carecen otres comunidaes vecines? Nesi casu ¿cómo piensa'l gobiernu desaniciar los sos efectos ente les y los ciudadanos de les zones afectaes?