Menu

Martes 12:15 Bruxeles

La eurodiputada asturiana Ángela Vallina y el coordinador xeneral d’IX Asturies, Ramón Argüelles, xuntu al presidente de l'Academia de la Llingua Asturiana, Xosé Antón Gonzalez Riañu, ufierten mañana martes una rueda de prensa tres la xunta que van caltener col presidente del inter grupu de Minoríes Tradicionales, Comunidaes Nacionales y Llingües Minoritaries, Nils Torvalds, con quien se van axuntar primeramente pa falar de la situación de la Llingua asturiana.

L'alcuentru colos medios va ser a les 12:15 hores nel Box del Parlamentu Européu, en Bruxeles (ASP 3ª planta).

Nesta visita a la Eurocámara, participa amás Cristina Valdés Rodríguez, responsable de Relaciones Internacionales de l'Academia de La Llingua.

L'axenda de Vallina, Argüelles, Gonzalez Riañu y Valdés Rodríguez va siguir pela tarde con una xunta, a les 15:00 hores, cola señora Petri Bernardett, miembru de la Dirección Xeneral de Cultura de la Comisión Europea y responsable de relaciones col Parlamentu Européu.

A les 16.30 hores, va haber un alcuentru de nuevu nel Parlamentu Européu coles eurodiputaes asturianes Ángela Vallina y Tania González Peñes, y tamién se va convidar a representantes de les oficines de les eurodiputaes Estefanía Torres Martinez y de Jonás Fernández (sala PHS1C047).