Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

24/10/2018

Llamazares reclama a Fernández que lidere'l final de llexislatura énte les amenaces p'Asturies

El voceru d'IX demanda un frente común en defensa de la industria asturiano y convida al Presidente a utilizar el capital reivindicativu de la comunidá pa sofitar les sos demandes

Gaspar Llamazares, voceru parlamentariu d'IX na Xunta Xeneral, reclamó a Javier Fernández que tome les riendes del final de la llexislatura p'asina dexar una axenda de cambéu posible y resolver les amenaces ya incertidumes qu'entamen sobro la comunidá autónoma. Llamazares, qu'apuntó que'l Presidente nun va repitir y nada tien que perder, convidó a Fernández a realizar un diagnósticu más equilibráu de la situación de la comunidá y nun faer un programa de investidura, exentu d'autocrítica. Nesti sentíu Llamazares demandó un frente común en defensa d'Asturies, particularmente de la industria asturiano y emplazó a utilizar el capital reivindicativu de la comunidá pa sofitar les sos demandes. “Nun deamos coartaes al adversariu, el zarru d’Alcoa tien más que ver col América First –el lema de Donald Trump- que con cualesquier otra cosa. Pongamos pie en paré, cerremos files y defendamos el nuesu sector industrial”, concretó.

IX, como “fuerza influyente” na comunidá autónoma, y como fuerza que-y asitió na Presidencia, demanda prioridaes al Presidente pa esti final de la llexislatura. Llamazares describió les prioridaes del grupu parlamentariu d'IX que son posibles nesti periodu. Dientro de l'axenda político y lexislativo pa IX son bien importantes la Llei de Derechos Sociales Básicos y la de Memoria Histórica. La prioridá presupuestaria, pa un grupu qu'axustó tolos presupuestos, supon encamentar los sectores progresistes a ponese d'alcuerdu “no realizable en siete meses y no que vamos dexar a los nuesos deudos”; la prioridá de consolidar el rescate social y a avanzar nel cero a trés, “dispuestos a dir a un modelu propiu –que yá nun va ser el vascu- sinón la estensión territorial y el compromisu de que'l Gobiernu ponga enriba de la mesa un modelu d'integración- , amás de dotar con un presupuestu más ampliu a la investigación y el desenvolvimientu y les polítiques d'igualdá de xéneru y la dotación económica pal necesariu remocicamientu de les plantiyes universitaries. Nun escaeció tampoco Llamazares el pidimientu d'un alcuerdu en materia de política minera, porque al so xuiciu, un alcuerdu sindical pa la minería, nun exime al Gobiernu de realizar polítiques pa les cuenques mineres, particularmente pal Occidente.

Pa Llamazares nun ye tiempu d'espiritistes nin contorsionistes, sinón de terminar la llexislatura con alcuerdos, afitando les prioridaes frente al país y que fortalezan a los y les trabayadores, nesti casu los d’Alcoa. Tamién ye momentu de nun refugar el nome del responsable de les amenaces a Asturies, el del Presidente del Gobiernu, Pedro Sánchez y una Ministra concreta, la de Transición Ecolóxica, qu'asitien a Asturies na encruciada d'una tercer reconversión industrial –que s'anuncia nel zarru d’Alcoa- y na encruciada d'una recuperación tardío y débil que podría agravase con un bloquéu políticu ya institucional qu'añediría “crisis a la crisis”.

IX, sicasí, nun quier faer un balance catastrofista de la situación. Reconoz la recuperación macroeconómica, la potencia de la nuesa crecedera industrial y del sector esterior pero tamién reconoz les debilidaes, que tán bien presentes na vida económica. Llamazares describió una gabita económica tardío y bien débil y una gabita social que ta por faer –recuperamos emplegu pero menos que l'Estáu- y una situación na que los salarios son cada vez menores. Igual pasa en renta agraria o na mala ordenación del sector servicios. Al respective de política social recuperóse –y Asturies ye exemplu de la recuperación del gastu social y fuimos protagonistes xuntu al Gobiernu, particularmente en sanidá y servicios sociales, non tantu que n'educación,- pero ye enforma dicir que los servicios públicos sían muncho meyores, dixo'l voceru d'IX. Nel sistema sanitariu hai un puntu d'inflexón y habría qu'encetar innovación y otros retos bien importantes, espresó.

Otra manera, Llamazares fixo xuna valoración positiva en delles materies, por casu en relación a la intervención de les instituciones sociales en situaciones d'emerxencia onde se camudó, na llucha contra la probeza, la llucha contra la probeza habitacional…. “Y nun ye d'estrañar que xuntu col salariu social esta comunidá tenga meyor situación qu'otres comunidaes”, anque queda enforma por faer coles revisiones, tamién con focos de probeza en muyeres, families monoparentales, neños… y que too, tendría de rematase na llei de Garantíes de Derechos Sociales Básicos. Tamién n'ordenación del territoriu IX ye optimista respectu al desbloquéu de los planes de l’área central, ameyoróse n'inversión medioambiental … “anque sigue habiendo puntos negros”.

Al respective de la educación de cero a trés años, Llamazares recordó qu'IX proponía la universalización del cursu de dos a trés y que mientres nos engarrábamos el País Vascu tien 90% de cobertoria del dos a trés”. “Nós tamos satisfechos de les meyores pero queda esixencia que reflexe la estensión territorial nos próximos presupuestos y alcuérdese un programa d'integración del cero a trés nel sector públicu”, apuntó.

El principal problema, sicasí, foi'l presupuestariu, que llindó les posibilidaes de gastu de la comunidá y d'establecer prioridaes, y que fixo que solo hubiera en tola llexislatura unu apautáu col PP. Ente los fracasos de la llexislatura, Llamazares asitió la política d'investigación, un fracasu palmariu, non solo pola insuficiencia presupuestaria, onde cada unu fixo la so xestión particular, na mayor parte de los casos non pa recuperar talentos, sinón pa espulsalos. Tampoco s'avanzó na reforma institucional: “nada de reforma electoral, nada de participación… y mentanto el Presidente sosprender de que se plantege la reforma del Estatutu".

Volver

Compartir

2014 Izquierda Xunida d'Asturies - Política de privacidad - Política de cookies