Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Argüelles apuesta pola continuidá aluminera n'Avilés

El coordinador xeneral d'IX Asturies, Ramón Argüelles, apostó güei n'Avilés pola continuidá de l'actividá de ALCOA, de forma directa dientro de la multinacional na que s'integra, bien por aciu otres fórmules, toa vez, dixo, que se trata d'un sector con futuru..

"Nun entendemos perbién que, n'una dómina na que l'aluminiu non solo vase a consumir más, sinón qu'amás ye un bien que va xenerando puestos de trabayu y n'alza, cómo podemos dexanos que se cierren plantes d'aluminiu n'España".

Argüelles recordó que les privatizaciones taben nel xerme d'esta amenaza de zarru yá que, esplicó, abre les puertes a les deslocalizaciones, na busca de la mera rentabilidá económica. "El capital lo que busquen son los mínimos costos y el mayor rendimientu". Pal coordinador xeneral d'IX, al igual que col carbón, l'aluminiu que se peracaba n'España tendría de tar, tamién, producíu equí.

El máximu responsable d'IX Asturies allegó esta mañana a la concentración convocada pola plantiya d'ALCOA al pie de miembros de la so dirección, como la secretaria de Política Municipal, Gabriela Álvarez y el secretariu d'Emplegu y Relaciones Sindicales, Fernando Diáz Rañón. Na movilización, Ramón Argüelles caltuvo dellos alcuentros informales col secretariu xeneral de CC OO Asturies, José Manuel Zapico, y tamién col secretariu xeneral de la Federación Socialista Asturiana, Adrián Barbón. En dambos casos, falose de la necesidá de garantizar víes pal caltenimientu de l'actividá industrial na factoría de l'aluminera n'Avilés.

Volver

Compartir

2014 Izquierda Xunida d'Asturies - Política de privacidad - Política de cookies