Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Zapico demanda pasos pa faer una realidá tanxible l'área metropolitana

El diputáu d'IX considera que nos próximos meses tien de roblase'l conveniu de constitución, l'aprobación por unanimidá de los estatutos y l'apertura a la incorporación de nuevos conceyos

Ovidio Zapico, diputáu d'IX na Xunta Xeneral, demandó al Conseyeru Fernando Lastra la continuidá de los pasos daos para faer de l'área metropolitana d'Asturies una realidá tanxible. Zapico, que güei apelló al Conseyeru pa saber qué iniciatives va adoptar pa impulsar l'área metropolitana central, amosóse satisfechu de que la Conseyería plantegue que los estatutos acepten la riegla de la unanimidá pa la so aprobación, como dixo Lastra, y que sían los conceyos quien van designar a los sos representantes na Comisión de Siguimientu prevista.

Pa siguir construyendo l'área central “una idea fundamental pal desenvolvimientu d'Asturies” a xuiciu del diputáu d'IX, la coalición entiende que tienen de dase nos próximos meses trés cuestiones ineludibles: la firma del conveniu de constitución formal de la área metropolitana, l'aprobación por unanimidá de los sos estatutos y l'apertura a nuevos conceyos que quieran incorporase con posterioridá al núcleu primixeniu.

Volver

Compartir

2014 Izquierda Xunida d'Asturies - Política de privacidad - Política de cookies