IX considera que nun hai nenguna razón por qu'Asturies nun tenga unos presupuestos sociales
Gaspar Llamazares, voceru parlamentariu d'IX na Xunta Xeneral, aseguró qu'esta selmana va ser decisiva pa los presupuestos n'Asturies y que pa la coalición hai meyores significatives que ta seguro que pueden cerrase antes de final de selmana. “Nun hai nenguna razón por qu'Asturies nun tenga unos presupuestos sociales, con mayor xusticia fiscal y que dexen al futuru Gobierno gobernar y xestionar la comunidá autónoma”, dixo'l voceru d'IX al términu de la Xunta de Voceros. De lo contrario, en casu de dir a la prórroga sería una “prórroga bien agravada, con graves consecuencies pa la comunidá autónoma y sobremanera pa los ciudadanos asturianos”.
IX, recordó, va tener una posición global en relación al presupuestu. La posición inicial ye de nun bloquiar el presupuestu y siguir axustando. En concretu, Llamazares rellató meyores en materia educativo y na enseñanza cero a trés, en sanidá y servicios sociales y en política de cooperación col restu de los conceyos, mientres s'axusta nestos momentos sobro l'impuestu hipotecariu a la banca y otres temes de calter social ya inversiones. El presupuestu va ser rexistráu'l próximu martes, día 27 pol Gobiernu asturianu na Xunta Xeneral.
Sobre la reforma del Estatutu pa la cooficialidá del asturianu, Llamazares declaró qu’IX deseyara que la propuesta sobro oficialidá tuviera mayoría parlamentaria na comisión d'estudiu creada a principios de llexislatura y “nun la tuvo”, esplicó, pola posición distinta ente'l Gobiernu y la FSA. “Llamentamos que la posición mayoritaria de la FSA nun sía operativa nel grupu parlamentariu y na Xunta Xeneral y nun teníamos otra alternativa que propone-y a la Cámara una propuesta programática sobre la futura cooficialidá y qu'esperamos, que de nun ser nesta ocasión, sí nel primer periodu de sesiones de la futura Xunta Xeneral, que sía un fechu”, sostuvo Llamazares. A xuiciu del voceru, IX deseyara que fora pel camín más lóxicu que yera'l d'aprobar les conclusiones y l'informe de la comisión d'estudiu y depués treslladalo a una reforma estatutaria. “Tuvimos qu'afaer la nuesa posición non por voluntá propia sinón porque'l grupu parlamentariu socialista tien una posición distinta a la de la FSA”, concluyó.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies