Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

Tolos grupos, sacantes el PP, sofiten el relevu y amuesen el so sofitu al modelu UTE

Los grupos parlamentarios de la Xunta Xeneral, sacantes el PP, demandaron esta mañana al executivu de Pedro Sánchez el cese del director del centru penitenciariu d'Asturies. Esta ye la esixencia d'IX, una nueva dirección pal centru penitenciariu d'Asturies, que ponga fin al acosu y valtamientu de la Unidá Terapéutico y Educativo (UTE) tantu per parte de los gobiernos del PP como pol caltenimientu del mesmu equipu per parte del executivu de Pedro Sánchez.

Gaspar Llamazares, voceru parlamentariu d'IX na Xunta Xeneral, recordó que'l Parlamentu asturianu repitió n'ensame d'ocasiones, coincidiendo con organizaciones ya instituciones asturianes, el so sofitu a la Unidá Terapéutico y Educativo de la prisión d'Asturies (UTE) como modelu alternativu a la prisión tradicional. “Ye por eso que resulta sorprendente que'l nuevu gobiernu llueñe de sofitala, xustifique'l llabor de zapa de la dirección de la cárcel y d'instituciones penitenciaries”, aseguró Llamazares.

Tolos grupos sofitaron los otros dos puntos de la Proposición Non de Llei d'IX nos que la JGPA repite una vegada más el so sofitu a la UTE del Centru Penitenciariu d'Asturies y al so llabor pioneru de coxestión y corresponsabilidad pa la reinserción en collaboración coles ONG´s, los recursos educativos y l'asociación de familiares y otru nel que la JGPA encamienta al gobiernu a dirixise al gobiernu central por que revierta la devaluación y el deterioru del modelu UTE per parte de la dirección del Centru Penitenciariu, dando cumplimientu efectivu a los encamientos que nesi sentíu formuló'l Defensor del Pueblu.

Gaspar Llamazares recordó que la iniciativa pretende sofitar a la unidá terapéutica de la prisión d'Asturies, que s'aplique la instrucción del Defensor del Pueblu de sofitu a la UTE y se promueva el cambéu na dirección de la prisión, porque foi la que la desmanteló. Llamazares alvirtió de que nestos momentos yá nun esiste la UTE, sinón que ye la metá. Antes había 500 internos en 3 unidaes, agora queden 270 internos, señaló. Tocantes a la xestión la UTE tenía por aciu un contratu de coxestión y corresponsabilidad, con un equipu multidisciplinar y un coordinador y nun hai nada d'eso, siguió. Nun hai equipu multidisciplinar nin coordinador, clamó'l diputáu d'IX. En resume, ña UTE ye solo un nome. D'acordies con IX, la situación actual ye contraria a la Constitución Española, porque les cárceles nun son pa custodia nin pa faer política de vengación, sinón pa la rehabilitación y reinserción.

“Dende 2011 la UTE sufrió un ataque reconocíu. Agora camuda'l Gobiernu, el Ministru pero nin el director de la cárcel nin l'equipu. La UTE d'Asturies ye'l faru qu'alluma les 26 UTES d'España. Na midida que se desmantela ésta desmantélase'l modelu. Ye un momentu especialmente delicáu, dixo. N'Asturies la UTE foi casi la metá del funcionamientu de la prisión. Ye necesario parar porque tamos asistiendo a la so lliquidación”, concluyó.

Volver

Compartir

2014 Izquierda Xunida d'Asturies - Política de privacidad - Política de cookies